logo

номаҳо

 АЗ ПЕШНИҲОДИ «ҶУМҲУРИЯТ» ИСТИҚБОЛ МЕКУНЕМ


Ба табъ расидани матлаби «Профессори фахрӣ» дар рӯзномаи «Ҷумҳурият» (19 ноябри соли 2020) маро ҳамчун омӯзгор вазифадор намуд, ки перомуни он андешаҳоямро иброз намоям. Муаллифи ин навишта Абдулқодири Раҳим дар баробари зикри хидматҳои бесобиқаи устоди шодравон, адабиётшиноси асил, «Белинскийи тоҷик» Соҳиб Табаров, аз ҷумла пешниҳод месозад, ки асарҳои ӯ бознашр бишаванд. Воқеан, дар мавриде ки Пешвои миллат барои боло бурдани сатҳи донишу ҷаҳонбинии аҳли ҷомеа озмуни ҷумҳуриявии «Фурӯғи субҳи доноӣ китоб аст» - ро таъсис додаанду ҳамаҷониба дастгирӣ менамоянд, ин пешниҳод саривақтӣ мебошад.
Монографияи устоди зиндаёд бо номи «Пайрав Сулаймонӣ» ҳанӯз соли 1962 ба табъ расида буд. Бе шак, пайдо кардани он ба хотири мутолиа намудан ва маълумоти кофиву дуруст гирифтан дар бораи ин шоири шаҳиру ҷавонмарг пас аз гузаштани қариб 60 сол осон нест.
Асари дигари устод Соҳиб Табаров дар бораи тарҷумаи ҳоли сардафтари адабиёти навин, Қаҳрамони Тоҷикистон Садриддин Айнӣ мебошад. Ба ростӣ, дар бораи таълифу нашри ин китоб шунидем, аммо онро дастрас карда натавонистем. Фикр мекунам, ки он беш аз чандсад нусха ба табъ нарасидааст. Дар ин сурат онро чанд мутахассису муҳаққиқ соҳиб шудаанд. Ҳол он ки ин гуна асар бояд бо теъдоди зиёд нашр гардад, то ҳар нафар тоҷику тоҷикистонӣ дар бораи қаҳрамони кишвараш маълумоти дурусту зиёд дошта бошад.
Дар адабиётшиносии тоҷик ин аввалин асарест, балки таҳқиқотест, ки тарҷумаи ҳоли нависандаро бо далелҳои муътамад барқарор намудаанд.
Аз рӯи шунидам, устод Соҳиб Табаров асари «Раҳбари наҷот» - и Абдурауфи Фитратро шарҳу тавзеҳ додаанд. Ин китоб низ, албатта, бо теъдоди бисёр кам ба табъ расидааст, ки онро натавонистем пайдо бинамоем. Аз ин рӯ, нашри асари мазкур ногузир мебошад.
Зикри номи неку фаъолияти эҷодии устод ва гиромидошташ, ба яқин, имкон фароҳам меоварад, ки наслҳои ояндасози миллат дар рӯҳи хештаншиносӣ, дӯстдории Ватану сарзамини аҷдодӣ, густаришу рушди тамаддуну фарҳанг саҳми бештару беҳтар бигиранд.
Фирӯза МИРЗОЕВА,
омӯзгори муассисаи таҳсилоти миёнаи умумии № 50 ноҳияи Синои шаҳри Душанбе


Баёни ақида (0)    Санаи нашр: 14.12.2020    №: 238    Мутолиа карданд: 1311
11.06.2021


СУҒД. НАПАРДОХТАНИ ҲАҚҚИ ИСТИФОДАИ ОБ МУШКИЛИ ҲАЛТАЛАБ БОҚӢ МЕМОНАД

08.06.2021


ҲИСОР. Муовини Сарвазир аз иншооти ҷашнӣ дидан кард

КИТОБХОНАҲОИ ХУРДИ САЙЁР ТАҶРИБАИ НАВ ДАР РОҲИ ДОНИШАНДӮЗӢ

САЙЁҲӢ. БАРРАСИИ МАСОИЛИ РУШД МИЁНИ ҶУМҲУРИҲОИ ТОҶИКИСТОН ВА ӮЗБЕКИСТОН

ИҶТИМОИЁТ. НИЁЗМАНДОН ҲАМЕША МАВРИДИ ТАВАҶҶУҲАНД

ТОҶИКИСТОН ВА ӮЗБЕКИСТОН. УФУҚҲОИ НАВИ ҲАМКОРӢ

МАРАФОНИ ВЕЛОСИПЕДРОНӢ БАРГУЗОР МЕШАВАД

«ҶУМҲУРИЯТ» ДАР КОБУЛ. СИПОСИ ЛАШКАРӢ БА РӮЗНОМАИ № 1- И ТОҶИКИСТОН

04.06.2021


ФУТЗАЛ

Путин бори дигар шаҳрвандонро ба эмгузаронӣ даъват намуд

Ҷаҳон дар як сатр

10 ДОВТАЛАБИ БЕҲТАРИН

03.06.2021


ВКХ Чин: «Муносиботи Чин бо Россия дар сатҳи олӣ қарор дорад»

КИТОБИ КОРМАНДИ «ҶУМҲУРИЯТ» БА ЗАБОНИ ӮЗБЕКӢ НАШР ШУД

МИНТАҚАИ КӮЛОБ. ГУРӮҲИ ТАБЛИҒОТӢ НАЗДИКИ 50 ВОХӮРӢ АНҶОМ ДОД

02.06.2021


Лавров: «Россия ба иқдомҳои муғризонаи ИА аксуламал нишон медиҳад»

ҶАҲОН ДАР ЯК САТР

ДАНҒАРА. ҲАДАФ: ҲИФЗИ ҲУҚУҚИ КӮДАКОН

26.05.2021


ЁДБУДИ НАФАСБЕК РАҲМОНӢ

28 май Путин бо Лукашенко вомехӯрад

Ҷаҳон дар як сатр

БОКС

ШУНАВАНДАГОНИ КУРСИ “ЗАН - САРВАР” - И ВМКБ СОҲИБИ ШАҲОДАТНОМА ГАРДИДАНД

25.05.2021


Р А Ш Т. ЁРӢ БА ЗАРАРДИДАГОНИ ВИЛОЯТИ ХАТЛОН

21.05.2021


"ШАБЕ ДАР ОСОРХОНА"-И МИЛЛИИ ТОҶИКИСТОН

ҶАЛАСАИ ШӮРОИ ВАЗИРОНИ КОРҲОИ ХОРИҶИИ СААД

19.05.2021


ВОХӮРИИ СИРОҶИДДИН МУҲРИДДИН БО ВЛАДИМИР МАКЕЙ

ДАСТРАСӢ БА ИТТИЛООТИ СУДӢ. ҚАБУЛИ ЛОИҲАИ ҚОНУНЕ, КИ МАҚОМОТИ СУДИРО БА ВАО НАЗДИК МЕСОЗАД

ИЗҲОРОТИ ПРЕЗИДЕНТИ РОССИЯ ВЛАДИМИР ПУТИН

ҶАҲОН ДАР ЯК САТР

ФУТБОЛ. ҲАЙАТИ ТИМИ МИЛЛӢ МУАЙЯН ШУД

18.05.2021


ҶАЛАСАИ ШӮРОИ ВАЗИРОНИ КОРҲОИ ХОРИҶИИ СААД БАРГУЗОР МЕШАВАД

ХОВАЛИНГ. ИШТИРОКИ 780 ПАҲЛАВОН ДАР ГӮШТИИ ҶУМҲУРИЯВӢ

ВАРЗИШИ САБУК

ӮЗБЕКИСТОН 10 ИФРОТГАРОРО МЕҶӮЯД


Дар сомонаҳои дигари Тоҷикистон хонед