logo

энергетика

ЭНЕРГЕТИКА. БАРДОШТ АЗ СОЛЕ, КИ ГУЗАШТ

Ҷумъа Далер, вазири энергетика ва захираҳои оби ҷумҳурӣ, гуфт, ки вазорат бо дастгирии давлат ва Ҳукумати мамлакат дар баробари бунёди неругоҳҳои барқи обии нав ба масъалаи барқарор кардани  иқтидорҳои мавҷуда таваҷҷуҳи хоса зоҳир менамояд. Ҳоло таҷдиди неругоҳҳои «Сарбанд», «Қайроққум» ва марҳилаи якуми таҷдиди НБО «Норак» бомаром идома дошта, баъди навсозӣ тавоноии ин се неругоҳ зиёд мегардад. Ҳаҷми содироти неруи барқ соли гузашта 1 миллиарду 528,4 миллион кВт - соатро ташкил дод.
 
- Вазорат фаъолияташро дар самти тарҳрезӣ, идоракунӣ ва татбиқи лоиҳаҳои сармоягузорӣ дар соҳаи энергетика ва захираҳои об беш аз пеш тақвият мебахшад. Ҳоло дар ин самт 17 лоиҳаи давлатии сармоягузорӣ ба маблағи 16,4 миллиард сомонӣ татбиқ гардида истодааст. Аз ҷумла, корҳои таҷдиду навсозии неругоҳҳои барқи обии «Норак», «Сарбанд», «Қайроққум», бунёди лоиҳаи хатти интиқоли «CASA 1000» ва корҳои сохтмонӣ дар Неругоҳи барқи обии «Себзор» ба маблағи 11,3 миллиард сомонӣ идома доранд. Инчунин, соли равон сохтмони хатти интиқоли барқи 500 кВт-и «Роғун –  зеристгоҳи конвертории Сангтӯда» ва корҳо дар самти кам кардани талафоти неруи барқ ва ҷорӣ намудани низоми муосири баҳисобгирии неруи барқ дар  шаҳрҳои Душанбе, Бохтар, Кӯлоб, Панҷакент, Истаравшан, Исфара, Конибодом, Бӯстон ва ноҳияи Данғара ба маблағи 2,4 миллиард сомонӣ оғоз меёбанд, - гуфт Ҷумъа Далер.
Таъкид шуд, ки соли гузашта дар ҷумҳурӣ 24,4 ҳазор тонна нафт истихроҷ гардид. Воридоти маҳсулоти нафтӣ ва гази моеъ, дар маҷмӯъ 1072 ҳазор тоннаро ташкил дод. Барои таъминоти аҳолӣ бо гармӣ дар мавсими зимистон ва корхонаҳои саноатӣ 225 миллион метри мукааб гази табиӣ ворид гардидааст.
Дар назар аст, ки соли равон бори аввал дар солҳои соҳибистиқлолӣ бо дастгирии Ҳукумати мамлакат чоҳи нафтии №17-и майдони Маҳрам бо чуқурии 4 ҳазору 900 метр мавриди истифода қарор дода шавад.
Бино ба таъкиди манбаъ, ҳоло барои ҷорӣ намудани механизмҳои муосири ҳуқуқӣ оид ба танзими соҳаи об ва пешбурди сиёсати обӣ дар кишвар Кодекси оби Ҷумҳурии Тоҷикистон дар таҳрири нав қабул гардида, Стратегияи миллии оби Тоҷикистон барои то соли 2030 таҳия ва бо вазорату идораҳои дахлдор мувофиқа гардидааст. Дар фурсати наздиктарин он ба Ҳукумати Ҷумҳурии Тоҷикистон барои баррасӣ ва тасдиқ пешниҳод мешавад.
Инчунин, барои барқарор намудани инфрасохтори хоҷагии об дар ҷумҳурӣ ва таъмини рушди соҳа 14 лоиҳаи давлатии сармоягузорӣ бо маблағи беш аз 4 миллиард сомонӣ татбиқ гардида истодаанд. Соли сипаришуда ташкилоту идораҳои марбут ба истифодаи об аз сарчашмаҳои гуногуни обгирӣ беш аз 9,8 миллиард метри кубӣ об истифода бурдаанд.
Новобаста аз андешидани тадбирҳо баҳри рушди соҳаи об мушкилоти зиёд дар соҳаҳои марбут ба таъмини оби нӯшокӣ ва мелиоратсия ва обёрӣ мавҷуданд. Мушкилоти асосӣ – ин фарсуда гардидани як қисми иншооти хоҷагии об, дар ҳаҷми зарурӣ сохта нашудани иншооти нави хоҷагии об, мукаммал набудани сохтори идоракунӣ ва механизмҳои иқтисодии соҳа ва дар сатҳи зарурӣ ҷалб нагардидани маблағҳои сармоягузории хориҷию дохилӣ мебошад.
Ҷиҳати бартараф намудани мушкилии болозикр ва ҷалби бештари маблағҳои сармоягузории хориҷию дохилӣ таҳия ва қабули «Барномаи давлатӣ оид ба таъминоти оби нӯшокӣ ва рафъи обҳои партов барои давраи то соли 2030» ва «Барномаи давлатӣ оид ба рушди соҳаи мелиоратсия ва обёрӣ барои давраи то соли 2030» ва дар баробари ин ҳамкории зичи Вазорати энергетика ва захираҳои об, Агентии беҳдошти замин ва обёрӣ, КВД «Хоҷагии манзилию коммуналӣ» ва дигар вазорату идораҳои дахлдор зарур мебошад. 

Кароматулло АТО, 
«Ҷумҳурият»
 


Баёни ақида (0)    Санаи нашр: 11.02.2021    №: 31    Мутолиа карданд: 1400
23.06.2021


Ҷаласаи Ситоди ҷумҳуриявӣ оид ба пурзӯр намудани чораҳои зиддиэпидемиявӣ ва пешгирӣ аз интиқолу паҳншавии бемории сироятии COVID – 19

«Толибон» гузаргоҳи асосии марзи Афғонистону Тоҷикистонро тасарруф намуданд

Ҷаҳон дар як сатр

«ДАР СУҲБАТИ ЛОИҚ»

ШАҲРИ ИСТИҚЛОЛ. Корхонаи бузурги металлургӣ барқарор шуд

Рӯйдодҳои илмӣ

ХУҶАНД. ВУСЪАТИ КОРҲОИ ОБОДОНӢ

ВАНҶ: ҶАШНИ МИЛЛӢ ТАНТАНА ХОҲАД ДОШТ

22.06.2021


Путин: «Таҳдиди коронавирус боқист, аммо зарбаи сахти он баргардонда шуд»

Ҷаҳон дар як сатр

ЛИГАИ ОЛӢ

21.06.2021


«TOUR DE TAJIKISTAN». Мусобиқае, ки дастовардҳои кишварро муаррифӣ мекунад

МИНТАҚАИ РАШТ. 51 МИЛЛИОН ҚАРЗИ ИСТИФОДАИ БАРҚ

ШАҲРИ ТУРСУНЗОДА. ДАСТГИРИИ КИШОВАРЗОН БАРОИ СОДИРОТИ АНГУР

ТОҶИКОБОД. САМАРИ ЯК ҲАМКОРӢ

КАЙФАР

70 СОЛ ДАР РОҲИ ОМӮЗИШИ ТАЪРИХ ВА ФАРҲАНГИ МИЛЛАТ

НУРОБОД. ВАҚТЕ КИ ЗАМИН МАҚСАДНОК ИСТИФОДА МЕШАВАД...

11.06.2021


СУҒД. НАПАРДОХТАНИ ҲАҚҚИ ИСТИФОДАИ ОБ МУШКИЛИ ҲАЛТАЛАБ БОҚӢ МЕМОНАД

08.06.2021


ҲИСОР. Муовини Сарвазир аз иншооти ҷашнӣ дидан кард

КИТОБХОНАҲОИ ХУРДИ САЙЁР ТАҶРИБАИ НАВ ДАР РОҲИ ДОНИШАНДӮЗӢ

САЙЁҲӢ. БАРРАСИИ МАСОИЛИ РУШД МИЁНИ ҶУМҲУРИҲОИ ТОҶИКИСТОН ВА ӮЗБЕКИСТОН

ИҶТИМОИЁТ. НИЁЗМАНДОН ҲАМЕША МАВРИДИ ТАВАҶҶУҲАНД

ТОҶИКИСТОН ВА ӮЗБЕКИСТОН. УФУҚҲОИ НАВИ ҲАМКОРӢ

МАРАФОНИ ВЕЛОСИПЕДРОНӢ БАРГУЗОР МЕШАВАД

«ҶУМҲУРИЯТ» ДАР КОБУЛ. СИПОСИ ЛАШКАРӢ БА РӮЗНОМАИ № 1- И ТОҶИКИСТОН

04.06.2021


ФУТЗАЛ

Путин бори дигар шаҳрвандонро ба эмгузаронӣ даъват намуд

Ҷаҳон дар як сатр

10 ДОВТАЛАБИ БЕҲТАРИН

03.06.2021


ВКХ Чин: «Муносиботи Чин бо Россия дар сатҳи олӣ қарор дорад»

КИТОБИ КОРМАНДИ «ҶУМҲУРИЯТ» БА ЗАБОНИ ӮЗБЕКӢ НАШР ШУД

МИНТАҚАИ КӮЛОБ. ГУРӮҲИ ТАБЛИҒОТӢ НАЗДИКИ 50 ВОХӮРӢ АНҶОМ ДОД

02.06.2021


Лавров: «Россия ба иқдомҳои муғризонаи ИА аксуламал нишон медиҳад»

ҶАҲОН ДАР ЯК САТР


Дар сомонаҳои дигари Тоҷикистон хонед