logo

фарҳанг

"ЧОДАРИ ХАЁЛ". ҲАШТУМИН ҶАШНВОРАИ БАЙНАЛМИЛАЛӢ

Дар Театри давлатии лӯхтаки шаҳри Душанбе 8 - умин Ҷашнвораи байналмилалии театрҳои лӯхтак «Чодари хаёл» оғоз ёфт, ки аз 22 то 26 октябри соли ҷорӣ идома меёбад. Дар чорабинӣ муовини якуми вазири фарҳанги Ҷумҳурии Тоҷикистон Ибодулло Машраб, сафири фавқулода ва мухтори Федератсияи Россия дар Тоҷикистон Лякин-Фролов, директори дафтари Швейтсария оид ба ҳамкории Тоҷикистон хонум Валуге Рос иштирок ва суханронӣ намуданд.
- Театрҳои лӯхтак дар рушди ҷаҳонбинӣ ва тахайюлоти эҷодкоронаи кӯдакону наврасон нақши муҳим дорад. Мо мебинем, ки «Чодари хаёл» на танҳо ҳунармандони театр ва саҳнаро муттаҳид мекунад, балки он барои намоиши бадеии дарду ормонҳои муштараки халқҳо мусоидат менамояд. Боз ҳам собит мешавад, ки санъат ва ҳунари асил сафири сулҳу субот дар ҳамаи давру замонҳост, - изҳор дошт Ибодулло Машраб.
Валуге Рос аз ҳамкориҳои гуногунҷанбаи Тоҷикистону Швейтсария изҳори хушнудӣ намуда, гуфт: «Мо аз ҳамкории Театри давлатии лӯхтаки шаҳри Душанбе, Вазорати фарҳанги ҷумҳурӣ ва дигар ниҳодҳои дахлдор дар баргузории ин чорабинии муҳим арзи сипос менамоем. Дар робита ба театри кӯдакон изҳор медорам, ки дунёи софу беғаши кӯдакон барои мо – калонсолон аксар маврид ҷадиду омӯзанда аст. Зеро дар гуфтору рафтору кирдори эшон ояндаи на чандон дури мо чун оина ҷило медиҳад ва моро масъулияту сабақҳои тоза мебахшад».
Фестивал бо намоиши «Дили модар» - и Театри давлатии лӯхтаки шаҳри Алама - Ато шурӯъ гардид. Муаллиф Е. Ионов, таҳиягар Антон Зайтсев ва ҳунармандони ботаҷрибаи қазоқ тавонистанд дарду доғи дили модарон ва аз оилаю арзишҳои волои оиладорӣ канора ҷустани ҷавонони муосирро нуктасанҷона ба намоиш гузоранд.
Ёдовар мешавем, ки фестивали мазкур дар ду сол як маротиба гузаронда мешавад ва имсол театрҳо аз кишварҳои Украина, Қазоқистон, Ӯзбекистон, Қирғизистон, Туркманистон, Россия ва Тоҷикистон ширкат меварзанд. Дар чорабинӣ аз ҷумҳурии мо театрҳои лӯхтаки шаҳрҳои Душанбе, Бохтар ва Бӯстон иштирок мекунанд.
Дар давоми ҳафта гузарондани дарсҳои маҳорат, суҳбату вохӯриҳои ҳунарӣ, тамошои осорхона, китобхона, ҷойҳои назаррабои пойтахти кишвар, конфронси илмию амалӣ таҳти унвони «Театрҳои лӯхтак ва тарбияи зебопарастии наврасон» ва дигар барномаҳои фарҳангию фароғатӣ ба нақша гирифта шудаанд.
Бузургмеҳр САЛИМ,
«Ҷумҳурият»


Баёни ақида (0)    Санаи нашр: 23.10.2018    №: 206    Мутолиа карданд: 428
04.03.2021


ФОРУМИ ҶУМҲУРИЯВӢ ОИД БА БАЛАНД БАРДОШТАНИ МАЪРИФАТИ ҲУҚУҚИИ ЗАНОН

ШАҲРИНАВ. ГУЛГАШТИ НАЗДИ МУҶАССАМАИ МИРЗО ТУРСУНЗОДА НАВСОЗӢ МЕШАВАД

КАМОНВАРӢ

Муассисаҳои таълимии олии Россия дарҳояшонро барои донишҷӯёни хориҷӣ боз намуданд

ҶАҲОН ДАР ЯК САТР

03.03.2021


Мулоқоти Зулфия Давлатзода бо Мирвайс Ноб

Дар Доғистон хотираи ҳалокшудагони ҷангро гиромӣ медоранд

ҶАҲОН ДАР ЯК САТР

ФУТБОЛ. СИТОРАҲОИ ДУРАХШОНИ ВАРЗИШИ ТОҶИК

ИФТИТОҲИ МАРКАЗИ ДӮСТӢ ВА ҲАМКОРИИ СҲШ ДАР ТОҶИКИСТОН

ҚУЛЛАИ «РАҲИМ МАСОВ» ДАР ИШКОШИМ

ҶОМИ КФО – 2021

Путин ҷиҳати муколама бо ИМА ва дигар кишварҳо омода аст

ҶАҲОН ДАР ЯК САТР

01.03.2021


ВМКБ. ОЗМУНИ «ДАСТАРХОНОРОӢ» ҶАМЪБАСТ ГАРДИД

ФФТ БАРНОМАИ МАХСУСИ ПРЕЗИДЕНТ БАРОИ РУШДИ ФУТБОЛ ДАР ДЕҲОТ

«ҚОНУНИ ТИБ» БОЗНАШР ШУД

ТАЪСИСИ КОРХОНАИ ХУРДИ ИЛМӢ - ИСТЕҲСОЛИИ МАВОДИ ДОРУВОР

КОРВОНИ САЛОМАТӢ ДАР ЛАХШ

27.02.2021


Ҷаҳон дар як сатр

Си Ҷинпин изҳор намуд, ки Чин бар бенавоӣ комилан пирӯз гардид

Масъулиятро нисбат ба он мансабдорҳое, ки душаҳрвандӣ доранд, бояд сахттар намуд

ИМА имкони тамдиди ҳузури низомиёнашро дар Афғонистон истисно намекунад

Кишварҳои Иттиҳоди Аврупо ба таҳияи «шиносномаи эмкунӣ» - и ягона ба мувофиқа расиданд

ТЕННИС ВА НАҚШИ «ҶУМҲУРИЯТ» ДАР ОММАВИЯТИ ВАРЗИШ

25.02.2021


ХАДАМОТИ ГУМРУК. ҚОНУНШИКАНӢ КАМ ВА ПАРДОХТҲОИ ГУМРУКӢ ЗИЁД ШУДАНД

«ТОҶИКОН» ДАР ТОҶИКОБОД

АЗ РАШТ ТО ЛАХШ. АВЛАВИЯТ БА ТАВСЕАИ ЗАМИНҲОИ КИШТ

КИШОВАРЗӢ. 11 КОРХОНАИ ПАРАНДАПАРВАРӢ ТАЪСИС МЕЁБАД

TASHKENT GRAND SLAM 2021. ТОҶИКИСТОНРО КИҲО МУАРРИФӢ МЕКУНАНД?

ҶАҲОН

ҶАҲОН ДАР ЯК САТР

24.02.2021


ҶАҲОН

ҶАҲОН ДАР ЯК САТР

23.02.2021


ХИЗМАТИ ДАВЛАТӢ. СУОЛИ "ҶУМҲУРИЯТ" ОШКОР КАРД, КИ ДАР КАДОМ МАҚОМОТ БОНУВОН ҶАЛБ НАМЕШАВАНД


Дар сомонаҳои дигари Тоҷикистон хонед