logo

туризм

САЙЁҲӢ. ДАСТГИРИИ ПЕШВОИ МИЛЛАТ БУҲРОНРО БАРТАРАФ МЕСОЗАД

5 июни соли равон Фармони Президенти Ҷумҳурии Тоҷикистон «Дар бораи пешгирии таъсири бемории сироятии COVID – 19  ба соҳаҳои иҷтимоию иқтисодии Ҷумҳурии Тоҷикистон» ба имзо расид, ки тибқи он аз 1 апрел то 1 сентябри соли 2020 ба иншоотҳои соҳаи сайёҳӣ, меҳмонхонаҳо, ташкилотҳои хӯроки умумӣ, марказҳои саломатию варзишӣ, осоишгоҳҳо, ҳамлу нақли мусофиркашонии байналмилалӣ ва аэронавигатсия таътили андозӣ пешбинӣ, инчунин, ҳисобкунии фоизҳо барои сари вақт пардохт нагардидани андозҳо барои ҳамин давра манъ карда шуд.
Ин иқдоми Президенти кишвар дар ҷомеа, бахусус миёни кормандони соҳа ва бахши хусусӣ, ҳамовозии гарм пайдо кард. Фаридун Ҳамроев, корманди ширкати сайёҳии «Панҷакент интур», ин иқдоми хайрхоҳонаи Пешвои миллатро саривақтӣ ҳисобида, аз дастгирии навбатиашон бо қаноатмандӣ иброз дошт:
- Сайёҳӣ соҳае мебошад, ки аз омадурафти одамон вобаста мебошад. Карантини сартосарӣ бошад, онро мувоҷеҳи буҳрон кард. Ба ин хотир, баъд аз анҷоми пандемияи коронавирус барои барқарор сохтани сайёҳии байналмилалӣ навсозии инфрасохтори сайёҳиро ба роҳ мондан лозим аст. Зеро ҳамагон медонем, ки аксари инфрасохтори хизматрасонӣ ба буҳрон тоб намеорад. Муҳимтарин тадбир дар ин самт дастгирии бахши хусусӣ аз ҷониби давлату Ҳукумат ба ҳисоб меравад ва чунин таҷриба дар кишварҳои гуногуни олам бомуваффақият амалӣ мегардад. 
Гузашта аз ин, тавре Фаридун Ҳамроев афзуд, сайёҳӣ дар Тоҷикистон нав тараққӣ карда истодааст. Яъне, бозори сайёҳӣ дар кишвари мо  ва, умуман, дар Осиёи Миёна нав мебошад. Аз ин сабаб, дар натиҷаи паҳншавии коронавирус он зарари бесобиқа дид ва,  пеш аз ҳама, бояд баъди анҷоми он корҳои таблиғотии маконҳои сайёҳиро бештар намуда, инфрасохтори соҳаро боз ҳам тақвият диҳем.
- Дар натиҷаи пандемияи коронавирус ширкати мо муштариёни худро аз даст дод. Аз аввали сол то имрӯз танҳо ба корҳои таблиғотӣ машғулем, зеро дигар сайёҳони хориҷӣ ба кишвар ворид нагардиданд. Аз ин рӯ, ширкати мо рӯ ба муфлисшавӣ овард. Маҳз ҳамин дастгириву имтиёзҳои пешниҳоднамудаи Пешвои муаззами миллат буд, ки моро аз ин буҳрон раҳонд, - иброз медорад Диловар Икромов, корманди ширкати сайёҳии ҶДММ «Морхӯр». 
Ба андешаи коршиноси соҳа Шоҳимардон Содиқов, имтиёзи пешниҳоднамудаи Пешвои миллат, дар навбати аввал,  ҷойҳои кориро нигоҳ медорад.
- Дар кишвар зиёда аз  200 ширкати сайёҳӣ фаъолият дорад. Агар дар ҳар яки онҳо ба ҳисоби миёна 6 нафар кор намояд, бубинед, ки чӣ қадар ҷои кор нигоҳ дошта мешавад, - мегӯяд мавсуф.
- Бо оғоз шудани пандемияи коронавирус дар ҷаҳон на танхо субъектҳои сайёҳӣ, инчунин, дигар соҳаҳои хизматрасонӣ, ба монанди нақлиёти автомобиливу ҳавоӣ, меҳмонхонаҳо ва амсоли инҳо дучори буҳрон шуданд. Боиси хушнудист, ки тибқи Фармони Президенти кишвар муҳтарам Эмомалӣ Раҳмон сабукиҳои андозӣ нисбат ба субъектҳои хизматрасонӣ низ  пешбинӣ гардидааст, - меафзояд ҳамсуҳбатамон Шоҳимардон Содиқов.
- Ҳоло фурсати он расидааст, ки мо ба сайёҳии дохилӣ диққати аввалиндараҷа диҳем ва барои рушди он дар давраи пандемияи коронавирус ва пас аз он тамоми имкониятҳоро истифода барем. Рушди сайёҳии  дохилӣ имкон медиҳад, ки буҳрони соҳа сари вақт бартараф гардад.
Дар ҳақиқат, иқдоми навбатии Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон имкон фароҳам меорад, ки ширкатҳои сайёҳӣ ва дигар сохторҳои хизматрасонӣ буҳрони баамаломадаро бо зарари нисбатан кам ва дар муддати кӯтоҳ паси сар намоянд. Аллакай, дар бисёре аз  кишварҳо мавсими сайёҳӣ оғоз гардид ва ба андешаи коршиносон баъди аз нав  кушода шудани сарҳадҳо туризм дар кишвар бо суръати бештар рушд хоҳад кард. 

Комрон САФАР, «Ҷумҳурият»


Баёни ақида (0)    Санаи нашр: 14.07.2020    №: 130    Мутолиа карданд: 1407
15.01.2021


ҶАМЪБАСТИ ОЗМУНИ “ОМӮЗГОРИ СОЛИ ТОҶИКИСТОН – 2020”

ҶАЛАСАИ СИТОДИ КОРӢ ОИД БА ТАҶЛИЛИ 30-СОЛАГИИ ИСТИҚЛОЛИЯТИ ДАВЛАТӢ БАРГУЗОР ШУД

МАОРИФ. НАТИҶАГИРӢ АЗ ФАЪОЛИЯТИ ВАЗОРАТ

НАВИДҲОИ ФАРҲАНГ

ТОҶИКИСТОН. БОЗ ЯК ШИРКАТ БА БОЗОРИ САЙЁҲӢ ВОРИД ГАРДИД

РӮЙДОДҲОИ ИЛМӢ

12.01.2021


 ҶДММ «ММК АГРО» МАЙДОНИ ГАРМХОНАИ ИННОВАТСИОНИРО МЕАФЗОЯД

 РАШТ: МУЛОҚОТИ  РАИСИ  МАҶЛИСИ НАМОЯНДАГОН  БО  ИНТИХОБКУНАНДАГОН

 ШАҲРИ ГУЛИСТОН: АВҶИ СОХТМОНИ ИНШООТИ ҶАШНӢ

 ТАФСИЛОТИ ЯК ҶИНОЯТ. Ё ЧАРО «ҚОЗӢ»-И АВФШУДА ПАСИ ПАНҶАРА РАФТ?

 ТАЪСИСИ КОРХОНАИ НОДИРИ ИЛМИВУ ИСТЕҲСОЛӢ

 ТАЪМИНИ МАРКАЗҲОИ ИЛМӢ ВА МУАССИСАҲОИ ТАЪЛИМӢ БО РЕАКТИВҲОИ КИМИЁӢ

 ПЕШНИҲОДИ БОСТОНШИНОСОН БА ЮНЕСКО

08.01.2021


ВОХӮРИИ МАҲМАДТОИР ЗОКИРЗОДА БО СОКИНОНИ НОҲИЯИ САНГВОР

ДАВРИ ҶУМҲУРИЯВИИ ОЗМУНИ «МУРАББИИ СОЛИ ТОҶИКИСТОН – 2020» ОҒОЗ ГАРДИД

НАВИДҲОИ ФАРҲАНГӢ

МИЁНИ ТОҶИКИСТОНУ ӮЗБЕКИСТОН БОЗ ЯК БУНГОҲИ НАЗОРАТӢ КУШОДА ШУД

ҶАҲОН ДАР ЯК САТР

ДУШАНБЕ. ОЗМУНИ МАЪРИФАТАФЗО ҶАМЪБАСТ ШУД

БМТ АЗ ИҚДОМИ НАҶИБИ САРВАРИ ДАВЛАТ ҶОНИБДОРӢ КАРД

07.01.2021


ДАНҒАРА. ВУСЪАТИ КОРҲОИ НИҲОЛШИНОНӢ

ВАРЗИШ

САТҲИ ҶАҲОНИИ ФАҚР БОРИ АВВАЛ ДАР 22 СОЛИ ОХИР БОЛО РАФТ

ҶАҲОН ДАР ЯК САТР

РУЙДОДҲОИ ИЛМӢ

06.01.2021


ТАҚДИМИ ТЕХНИКА БА КИШОВАРЗОНИ НОҲИЯҲОИ ДЕВАШТИЧ ВА ШАҲРИСТОН

СУҒД. 92 ИНШООТИ ТАНДУРУСТӢ БА ИСТИФОДА ДОДА ШУД

ҲАР КӢ ХАНДОНАД ЯТИМИ ХАСТАРО...

ПУТИН ВА МЕРКЕЛ МАСЪАЛАИ ИСТЕҲСОЛИ ВАКСИНАИ ЗИДДИ COVID-19 - РО БАРРАСӢ КАРДАНД

ҶАҲОН ДАР ЯК САТР

05.01.2021


ҶАҲОН ДАР ЯК САТР

МАЪМУРИЯТИ БАЙДЕН НИЯТИ БО РОССИЯ ДОИР БА ССҲ БА МУВОФИҚА РАСИДАН ДОРАД

WORLD JUDO MASTERS

ОЗМУНИ ҶУМҲУРИЯВИИ «КИТОБИ СОЛ – 2020». ҒОЛИБОН МУАЙЯН ШУДАНД

04.01.2021


ХОВАЛИНГ БА ҶАШНИ 30 - СОЛАГИИ ИСТИҚЛОЛИЯТИ ДАВЛАТӢ ОМОДА МЕШАВАД


Дар сомонаҳои дигари Тоҷикистон хонед