logo

туризм

ВУСЪАТИ ОБОДКОРИҲО ДАР ЯЗГУЛОМ

Сокинони 9 деҳоти Язгулом аз он  шоду мамнунанд, ки солҳои соҳибистиқлолӣ  ба хотири зиндагонии осоишта ва шоистаи онҳо  бисёр шароитҳои  зарурӣ фароҳам оварда шудаанд.

Зикр кардан ба маврид аст, ки баъди сафарҳои кории Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар  деҳаҳои соҳилҳои Язгуломоб  чандин  амалҳои ободонӣ, бунёдкорӣ ва созандагӣ  ба ҷо оварда шудаанд. Аз ин ҷост, ки мардуми Язгулом чун дигар сокинони ноҳияи Ванҷ ва саросари Бадахшон  пешниҳоди Пешвои муаззами миллатро дар хусуси Солҳои рушди деҳот, сайёҳӣ ва ҳунарҳои мардумӣ хеле  хуш пазируфтанд. Онҳо дастҷамъона  баҳри боз ҳам ободу зебо гардондани диёри худ камари ҳиммат бастаанд.
Солҳои  соҳибистиқлолӣ  бо  маблағгузо-риҳои Ҳукумати  кишвар,  ёрии  мақомоти  ҳокимияти давлатии  Вилояти Мухтори Кӯҳистони Бадахшон, ноҳияи Ванҷ ва шарикони хориҷии рушд, пеш аз ҳама, хазинаи Оғохон  дар кӯтоҳтарин фурсат дар  деҳоти мазкур  қариб бист иншооти самти иҷтимоӣ, аз ҷумла  Неругоҳи барқи обии «Андарбак»,  пулҳои нақлиётгузари мавзеъҳои  Шавуд - Будун ва Мот-равн,  хати обгузари Дашти Язгулом, чойхона - ошхонаи замонавии деҳаи Хехак, дар шафати шоҳроҳи байналхалқии автомобилгарди Душанбе - Дарвоз- Кӯлоб - Хоруғ - Мурғоб - Кулма барои ронандагону мусофирон ва сайёҳон, беморхонаи минтақавии Мотравн, инчунин, биноҳои мактабҳо, муассисаҳои тиббӣ, фарҳангӣ ва варзишӣ дар деҳаҳои Мотравн, Вишхарв,  Андарбак, Жамаг ва Шавуд бунёд гашта, роҳу пулҳои мошингард  таъмиру таҷдид  шуданд.
Дар ҳамин рӯзҳо ду иншооти хеле муҳим - бинои  Ҷамоати деҳоти Язгулом дар деҳаи Будун ва хати обгузар дар деҳаи Андарбак бунёд гашта, мавриди баҳрабардорӣ қарор гирифтанд. Бо маблағгузории мақомоти иҷроияи маҳаллии ҳокимияти давлатии вилоят ба ҷои  иморати  пастаки дар ҳолати садамавӣ қарордошта  бинои дуошёнаи дорои  ҳамаи шароитҳои зарурии деҳшӯро қомат афрохт. Ба гуфтаи  роҳбари шабакаи Оғохон дар ноҳияи Ванҷ Саидбек Қосимов, бо бунёд гаштани хати обгузари шашкилометра  аз  рӯдхонаи Қумочдара акнун  зиёда аз 110 хонаводаи  деҳаи Андарбак бо оби тозаи ошомиданӣ пурра таъмин шуд. Ин панҷумин  иншооти обрасон мебошад, ки дар даврони соҳибистиқлолии кишвар дар Ҷамоати деҳоти Язгулом  бунёд  шудааст. Бо ҳамин  барномаи бо оби ошомиданӣ ва полизӣ таъмин кардани сокинони деҳоти Язгулом пурра ба анҷом расид. 
Дар  расми ифтитоҳи иншооти самти иҷтимоӣ муовини Раиси Маҷлиси миллии Маҷлиси Олии Ҷумҳурии Тоҷикистон, раиси Вилояти Мухтори Кӯҳистони Бадахшон Ёдгор Файзов гуфт, ки тибқи дастуру ҳидоятҳои Роҳбари давлат дар деҳаҳои водии  Язгулом ба мисли дигар  деҳоти Помири шарқӣ   амалҳои зиёдтари ободонӣ, бунёдкорӣ ва созандагиҳо  дар доираи сазовор истиқбол гирифтани Ҷашни  30 - солагии Истиқлолияти давлатии Ҷумҳурии Тоҷикистон ба ҷо оварда мешаванд.
Ҳамчунин,  дар доираи истиқболи сазовори ин  санаи бузург  бунёди чор пули мошингузар аз болои рӯди Язгуломоб ва дарёчаҳои   кӯҳӣ  хуб ҷараён доранд. Хотиррасон менамоем, ки бо сабаби куҳна ва дар ҳолати садамавӣ қарор доштани се  пул мошинҳои  гаронвазн  аз болои пулҳои мавзеъҳои Мотравн, Андарбак ва Жамаг гузашта наметавонистанд. Акнун бо сохта, мавриди истифода қарор гирифтани   ин пулҳо мошинҳои КамАЗ, МАЗ ва "Дулан" низ бе мамоният ба деҳоти сароби Язгуломоб ҳаракат карда метавонанд. Мардуми деҳоти Язгулом раванди ҳамаи ин ободкориҳо, бунёдгарӣ ва созандагиҳоро аз дастгириҳои Пешвои муаззами миллат    ва  аз  файзу баракати даврони  истиқлолият  медонанд.

Муҳаммадзоиршо ШАРИФЗОДА, «Ҷумҳурият»,
Сироншоҳи ДИЛОВАР, рӯзноманигор
 


Баёни ақида (0)    Санаи нашр: 09.11.2020    №: 217    Мутолиа карданд: 1949
11.06.2021


СУҒД. НАПАРДОХТАНИ ҲАҚҚИ ИСТИФОДАИ ОБ МУШКИЛИ ҲАЛТАЛАБ БОҚӢ МЕМОНАД

08.06.2021


ҲИСОР. Муовини Сарвазир аз иншооти ҷашнӣ дидан кард

КИТОБХОНАҲОИ ХУРДИ САЙЁР ТАҶРИБАИ НАВ ДАР РОҲИ ДОНИШАНДӮЗӢ

САЙЁҲӢ. БАРРАСИИ МАСОИЛИ РУШД МИЁНИ ҶУМҲУРИҲОИ ТОҶИКИСТОН ВА ӮЗБЕКИСТОН

ИҶТИМОИЁТ. НИЁЗМАНДОН ҲАМЕША МАВРИДИ ТАВАҶҶУҲАНД

ТОҶИКИСТОН ВА ӮЗБЕКИСТОН. УФУҚҲОИ НАВИ ҲАМКОРӢ

МАРАФОНИ ВЕЛОСИПЕДРОНӢ БАРГУЗОР МЕШАВАД

«ҶУМҲУРИЯТ» ДАР КОБУЛ. СИПОСИ ЛАШКАРӢ БА РӮЗНОМАИ № 1- И ТОҶИКИСТОН

04.06.2021


ФУТЗАЛ

Путин бори дигар шаҳрвандонро ба эмгузаронӣ даъват намуд

Ҷаҳон дар як сатр

10 ДОВТАЛАБИ БЕҲТАРИН

03.06.2021


ВКХ Чин: «Муносиботи Чин бо Россия дар сатҳи олӣ қарор дорад»

КИТОБИ КОРМАНДИ «ҶУМҲУРИЯТ» БА ЗАБОНИ ӮЗБЕКӢ НАШР ШУД

МИНТАҚАИ КӮЛОБ. ГУРӮҲИ ТАБЛИҒОТӢ НАЗДИКИ 50 ВОХӮРӢ АНҶОМ ДОД

02.06.2021


Лавров: «Россия ба иқдомҳои муғризонаи ИА аксуламал нишон медиҳад»

ҶАҲОН ДАР ЯК САТР

ДАНҒАРА. ҲАДАФ: ҲИФЗИ ҲУҚУҚИ КӮДАКОН

26.05.2021


ЁДБУДИ НАФАСБЕК РАҲМОНӢ

28 май Путин бо Лукашенко вомехӯрад

Ҷаҳон дар як сатр

БОКС

ШУНАВАНДАГОНИ КУРСИ “ЗАН - САРВАР” - И ВМКБ СОҲИБИ ШАҲОДАТНОМА ГАРДИДАНД

25.05.2021


Р А Ш Т. ЁРӢ БА ЗАРАРДИДАГОНИ ВИЛОЯТИ ХАТЛОН

21.05.2021


"ШАБЕ ДАР ОСОРХОНА"-И МИЛЛИИ ТОҶИКИСТОН

ҶАЛАСАИ ШӮРОИ ВАЗИРОНИ КОРҲОИ ХОРИҶИИ СААД

19.05.2021


ВОХӮРИИ СИРОҶИДДИН МУҲРИДДИН БО ВЛАДИМИР МАКЕЙ

ДАСТРАСӢ БА ИТТИЛООТИ СУДӢ. ҚАБУЛИ ЛОИҲАИ ҚОНУНЕ, КИ МАҚОМОТИ СУДИРО БА ВАО НАЗДИК МЕСОЗАД

ИЗҲОРОТИ ПРЕЗИДЕНТИ РОССИЯ ВЛАДИМИР ПУТИН

ҶАҲОН ДАР ЯК САТР

ФУТБОЛ. ҲАЙАТИ ТИМИ МИЛЛӢ МУАЙЯН ШУД

18.05.2021


ҶАЛАСАИ ШӮРОИ ВАЗИРОНИ КОРҲОИ ХОРИҶИИ СААД БАРГУЗОР МЕШАВАД

ХОВАЛИНГ. ИШТИРОКИ 780 ПАҲЛАВОН ДАР ГӮШТИИ ҶУМҲУРИЯВӢ

ВАРЗИШИ САБУК

ӮЗБЕКИСТОН 10 ИФРОТГАРОРО МЕҶӮЯД


Дар сомонаҳои дигари Тоҷикистон хонед