logo

Хабарҳо

СУҒД. ИТТИФОҚИ КОРГОҲҲОИ САНОАТИ САБУК ТАЪСИС ЁФТ

Ҷиҳати ҳамоҳангсозии  фаъолияти самаровар ва таҳкими ҳамкориҳо миёни корхонаҳои саноати сабук дар вилояти Суғд Иттифоқи коргоҳҳои саноати сабуки вилояти Суғд таъсис ёфт. Дар кори конференсияи муассисон раиси вилояти Суғд Раҷаббой Аҳмадзода ширкат варзида,  оид ба ҳадаф ва вазифаҳои ин ташкилот сухан гуфт.
- Тоҷикистон дар шароити имрӯза ба марҳилаи нави рушд расидааст. Акнун бо он имконоти ақливу зеҳнӣ ва захираҳои фаровони ашёи хом зарур аст, ки Тоҷикистонро ба як кишвари пешрафтаи саноатии истеҳсолӣ бо неруи бузурги содиротӣ табдил диҳем. Маҳз бо ҳамин мақсад Пешвои миллат муҳтарам Эмомалӣ Раҳмон дар Паёми навин саноатикунонии босуръатро чорумин ҳадафи миллӣ эълон доштанд. Рушди бемайлони саноати сабук яке аз он роҳҳоест, ки  метавонад мавқеи Тоҷикистонро дар бозори ҷаҳонӣ устувор гардонад, -  гуфт раиси вилоят.
Вилояти Суғд даҳсолаҳо боз аз ин ҷиҳат  миёни дигар манотиқи кишвар  қутбнамост. Ҳанӯз аз даврони шӯравӣ дар  Хуҷанд, Конибодом, Гулистон (Қайроққум) ва Истаравшан  корхонаҳои азими саноати сабук фаъолияти босамар доштанд ва бисёр шаҳрҳои бузурги Иттиҳоди Шӯравиро бо ашёи аълосифати хом - ресмону матоъҳои шоҳӣ ва  қолину либосҳои нимтайёри пахтагин таъмин мекарданд.
Мутаассифона, таҳлилҳо аз он бозгӯйӣ доранд, ки  ҳоло дар вилоят, сарфи назар аз он ки барои рушди саноати сабук тамоми шароитҳо муҳайёанд, ҳавасмандии ҷиддие аз ҷониби соҳибкорон эҳсос намешавад. Дар вилоят то 45 ҳазор тонна нахи пахта истеҳсол шавад ҳам, коркарди ниҳоии он ҳамагӣ 7 - 8 дарсадро ташкил медиҳаду халос. Ин вазъ ба ҳадафҳои саноатикунонии босуръат, коркарди ашёи хом то ҳадди ниҳоӣ ва афзоиш бахшидани  маҳсулоти содиротӣ ҷавобгӯй намебошад. Аз ҳамин хотир,  бо дастгирии мақомоти иҷроияи ҳокимияти давлатии вилоят сарварони 10 корхонаи сабуки вилоят  тасмим гирифтанд, ки ташкилоти ҷамъиятии  Иттифоқи коргоҳҳои саноати сабуки вилояти Суғдро созмон диҳанд.
- Иқдоми мазкур хеле саривақтиву боиси дастгирист. Акнун шароит фароҳам меояд, ки ҷиҳати ҳаллу фасли масоили истеҳсол, фурӯш, хусусан содироти он,  ин ташкилоти ҷамъиятӣ бо назардошти  манфиатҳои  корхонаҳои саноатӣ бо субъектҳои байналмилалӣ оид ба ҳамкориҳои судманд  робитаи зичи доимӣ дошта бошад ва  худи корхонаҳо танҳо  баҳри  истеҳсоли миқдори маҳсулот ва сифату номгӯйи он талош варзанд, - иброз дошт Мақсудҷон Зиёбоев, директори генералии ҶДММ “Зиннат”-и шаҳри Хуҷанд.
Саидраҳмон Хидиров, муассиси ҶСК “Сомон - Суғд”, ҶДММ “Суғдиён” дар шаҳри Хуҷанд ва Муъминҷон Фозилов, директори  ҶДММ “Ноҳид”-и шаҳри Истаравшан, эътимоди комил доранд, ки созмон додани  ташкилоти Иттифоқи коргоҳҳои саноати сабуки вилояти Суғд  ба фаъолияти корхонаҳои саноати сабуки вилоят такони ҷиддӣ мебахшад.
Ҳадафи асосии ин ташкилоти ҷамъиятӣ ҳамоҳангсозии фаъолияти кории корхонаҳои саноати сабуки вилоят ҷиҳати расидан ба натиҷаҳои баланди истеҳсолию мавқеъ ёфтан дар бозори ҷаҳонӣ арзёбӣ мешавад.                                                                                               
Ҷовиди АШТӢ, “Ҷумҳурият”
 


Баёни ақида (0)    Санаи нашр:    №:    Мутолиа карданд: 342
26.01.2021


 ПАЁМИ ПРЕЗИДЕНТИ ҶУМҲУРИИ ТОҶИКИСТОН БА МАҶЛИСИ ОЛИИ ҶУМҲУРИИ ТОҶИКИСТОН

 ҶАЛАСАИ ШӮРОИ НОЗИРОН ОИД БА МАСЪАЛАҲОИ МИНТАҚАҲОИ ОЗОДИ ИҚТИСОДӢ БАРГУЗОР ГАРДИД

 ВОХӮРӢ БО САФИРИ АРАБИСТОНИ САУДӢ

 «ТОҶИКОН» БА НОҲИЯИ ЛАХШ РАСИД

 НАШРИ КИТОБНОМАИ ШАРҲИҲОЛИИ БОҚӢ РАҲИМЗОДА

 «ҒУНЧАҲОИ ХАТЛОН»

 МУРОҶИАТИ ШАҲРВАНДОН. БЕЭЪТИНОӢ НИСБАТ БА ОН БОИСИ ҶАВОБГАРӢ ШУД

 СОХТАКОРӢ. БОЗДОШТИ НАФАРОНЕ, КИ ҲУҶҶАТҲОИ ҚАЛБАКӢ МЕСОХТАНД

 ТАМАЪҶӮӢ ЗАНИ 32 – СОЛАРО БА КУРСИИ АЙБДОРӢ ШИНОНД

22.01.2021


ҶАЛАСАИ XVII ВАЗИРОНИ КОРҲОИ ХОРИҶИИ КИШВАРҲОИ УЗВИ МУКОЛАМАИ ҲАМКОРИҲОИ ОСИЁ

21.01.2021


ДАР КӮЛОБ КОРХОНАИ ИСТЕҲСОЛӢ БА ИСТИФОДА ДОДА ШУД

ҶАЛАСАИ ҶАМЪБАСТИИ НАТИҶАҲОИ РУШДИ ИҶТИМОИЮ ИҚТИСОДИИ ВИЛОЯТИ ХАТЛОН

ВАҚТИ ПАЙВАНДИ ИЛМ БО АМАЛ АСТ

НАВИДҲОИ ФАРҲАНГ

ФИФА. ТОҶИКИСТОНРО 14 ДОВАР МУАРРИФӢ МЕКУНАД

НАХУСТИН ФИЛМИ ТОҶИКИЮ БРИТАНӢ АЗ РӮИ ФИЛМНОМАИ АНИСА СОБИРӢ НАВОРБАРДОРӢ МЕШАВАД

ҶАҲОН ДАР ЯК САТР

ДАР РОССИЯ АЗ КОРОНАВИРУС ЗИЁДА АЗ 3 МИЛЛИОН БЕМОР ШИФО ЁФТ

ҶАҲОН ДАР ЯК САТР

ДУ БОЗИИ РАФИҚОНАИ МУНТАХАБИ ТОҶИКИСТОН

КОМЁБИИ ДАСТПАРВАРОНИ МТМУ № 45

РУЙДОДҲОИ ИЛМӢ

19.01.2021


СҶТ-РО ДАСТРАСИИ НОБАРОБАРИ ДАВЛАТҲО БА ВАКСИНА САХТ НИГАРОН НАМУДААСТ

ҶАҲОН ДАР ЯК САТР

ХАТЛОН. СОДИРОТИ БАРЗИЁДИ МАҲСУЛОТИ КИШОВАРЗӢ

“САФЕДДАРА”. ЯТИМОНИ КУЛЛИ ВИЛОЯТИ ХАТЛОН АЗ БЕҲТАРИН МАВЗЕИ САЙЁҲӢ ДИДАН КАРДАНД

ТАҚДИМИ КИТОБИ «ТОҶИКОН» БА СОКИНОНИ НОҲИЯИ ИШКОШИМ

ҲИСОР. ХИЗМАТРАСОНИИ ТИББӢ РӮ БА БЕҲБУДӢ ДОРАД

15.01.2021


ҶАМЪБАСТИ ОЗМУНИ “ОМӮЗГОРИ СОЛИ ТОҶИКИСТОН – 2020”

ҶАЛАСАИ СИТОДИ КОРӢ ОИД БА ТАҶЛИЛИ 30-СОЛАГИИ ИСТИҚЛОЛИЯТИ ДАВЛАТӢ БАРГУЗОР ШУД

МАОРИФ. НАТИҶАГИРӢ АЗ ФАЪОЛИЯТИ ВАЗОРАТ

НАВИДҲОИ ФАРҲАНГ

ТОҶИКИСТОН. БОЗ ЯК ШИРКАТ БА БОЗОРИ САЙЁҲӢ ВОРИД ГАРДИД

РӮЙДОДҲОИ ИЛМӢ

12.01.2021


 ҶДММ «ММК АГРО» МАЙДОНИ ГАРМХОНАИ ИННОВАТСИОНИРО МЕАФЗОЯД


Дар сомонаҳои дигари Тоҷикистон хонед