logo

иҷтимоиёт

МИСКИНОБОД. ЧАРО КАЛОНТАРИН ДЕҲОТИ ФАЙЗОБОД ИНШООТИ ВАРЗИШӢ НАДОРАД?

Рушди соҳаи варзиш ва рӯ овардани мардум, бахусус ҷавонон, ба тарзи ҳаёти солим пайваста таҳти таваҷҷуҳи Ҳукумати Ҷумҳурии Тоҷикистон қарор дорад. Дар ин ҷода, тайи солҳои соҳибистиқлолӣ корҳои зиёде ба сомон расида, дар гӯшаву канори гуногуни Ватани маҳбубамон, аз ҷумла ноҳияи Файзобод, толорҳо, майдончаҳо ва иншооти дигари варзиш мавриди баҳрабардорӣ қарор гирифтанд. Аммо бояд гуфт, ки на ҳамаи деҳоти ноҳия аз чунин шароит бархӯрдоранд. Масалан, деҳоти Мискинобод, ки дар Файзобод калонтарин ба шумор рафта, аҳолиаш беш аз 18 ҳазор нафарро ташкил медиҳад, ягон иншооти варзишӣ надорад.
 
Иномҷон Шарифов, собиқ раиси ҷамоат, зимни суҳбат зикр кард, ки, воқеан, дар деҳоти Мискинобод чунин мушкилот ҷой дорад ва кӣшиш карда истодаем, ки бо ҷалби соҳибкорон майдони футбол бунёд намоем. 
Ҷавонони деҳаи Заркамар иброз доштанд, ки барои бунёди иншооти варзиш борҳо ба мақомоти иҷроияи маҳаллии ҳокимияти давлатии ноҳия ва ҷамоат муроҷиат кардем. Ва танҳо соли 2018 бо супориши собиқ раиси ноҳия Миралӣ Раҷабзода барои сохтани майдони футбол замини санглохеро ҷудо намуданд. Яке аз соҳибкорони маҳаллӣ сохтмони онро ба уҳда гирифт. Ҷавонони деҳа бо дастгирии мардум бо харҷи 10 ҳазор сомонӣ то қадри имкон онро ҳамвор карданд. Вале бо гузашти вақт, мутаассифона, дигар мақомоти маҳаллӣ ба ин мушкил расидагӣ накарданд. Мардум аз ин ноумед шуда, дигар саҳм намегузоранд.
Ҷавонони деҳот мегӯянд, ки ҳоло ба хотири бозиҳои футбол, волейбол ва баскетбол ба маркази ноҳия мераванд.
Қиёмиддин Юсуфов, яке аз соҳибкорони ноҳия, вобаста ба масъалаи мазкур чунин гуфт: 
- Мо баҳри бунёди майдон ду моҳ заҳмат кашидем ва беш аз 20 ҳазор сомонӣ низ сарф намудем. Аммо бо сабабҳои ба мо номаълум тайи ин муддат аз ҷониби роҳбарияти ҷамоату мақомоти иҷроияи маҳаллии ҳокимияти давлатии ноҳия дастгирӣ наёфтем. 
Мо хостем барои рӯшанӣ андохтан ба ин мушкилӣ бо иҷрокунандаи вазифаи раиси ноҳияи Файзобод Бобишо Холзода ҳамсуҳбат шавем, аммо ду маротиба ба суроғаш рафтаву пайдо накардем.
Бо назардошти шароите, ки имрӯз дорем, бунёди як майдончаи хурди футбол миёншикан нест. Тавре шоҳидем, имрӯзҳо барои пешвоз гирифтани Ҷашни 30-солагии Истиқлолияти давлатии Ҷумҳурии Тоҷикистон дар мавзеъҳои гуногуни кишвари азизамон эъмору навсозии майдончаҳои варзиш бо маром ҷараён доранд. Аммо аз чӣ сабаб бошад, ки ягон мацйдончаи варзиш дар деҳоти калонтарини ноҳия ба нақша гирифта нашудааст?
Аз ин рӯ, роҳбарияти ҷамоатро зарур аст, ки ҷиҳати ҳарчи зудтар бартараф намудани мушкилоти ҷойдошта чораҳои зарурӣ андешанд. Ё масъулон андешаи дигар доранд?! 
 
З. РАҶАБ “Ҷумҳурият”


Баёни ақида (0)    Санаи нашр: 28.04.2021    №: 84    Мутолиа карданд: 274
07.05.2021


13 МАЙ – РӮЗИ ИДИ САИДИ ФИТР

ИСТАРАВШАН. ЁРИПУЛИИ ПЕШВОИ МИЛЛАТ БА ИШТИРОКЧИЁНИ ҶБВ

СУҒД. ЗАХМИҲОИ ДАРГИРИҲОИ МУСАЛЛАҲОНА ЁРИПУЛӢ ГИРИФТАНД

Ч О Р К Ӯ Ҳ. ОҚИБАТҲОИ МУНОҚИШАИ МАРЗӢ БАРТАРАФ МЕГАРДАНД

06.05.2021


ИСФАРА. КУМАКИ ПЕШВОИ МИЛЛАТ БА ОИЛАҲОИ ШАХСОНИ ФАВТИДА

ЁРИПУЛИҲО БА СОБИҚАДОРОНИ ҶАНГИ БУЗУРГИ ВАТАНӢ

ДЕВОНИ ДУШАНБЕ - ТОШКАНД

ТАВОНОИИ НЕРУГОҲИ БАРҚИ ОБИИ “ҚАЙРОҚҚУМ” БА 176 МЕГАВАТТ МЕРАСАД

ИСТИҚЛОЛ. КӮДАКИСТОНИ ЗАМОНАВӢ БУНЁД МЕШАВАД

“ШАБЕ ДАР ОСОРХОНА”

Изҳороти G7 оид ба тағйирёбии иқлим

Ҷаҳон дар як сатр

ЛИГАИ ОЛӢ

05.05.2021


ШАҲРИ ТУРСУНЗОДА. ТАҚДИМИ КИТОБИ «ТОҶИКОН»

Байден бо Путин вомехӯрад?

ҶАҲОН ДАР ЯК САТР

ТЕКБОЛ. ФЕДЕРАТСИЯИ НАВ ДАР ФАЗОИ ВАРЗИШИИ КИШВАР

«МИЛЛАТЕ МЕЗИСТ ДАР РӮИ ЗАМИН»

ИСФАРА.ВОХӮРӢ БО СОКИНОНИ ДЕҲОТИ ВОРУХ, ЧОРКӮҲ ВА ХОҶАИ АЪЛО

ТОҶИКИСТОН ДАР МИЁНИ СММ ВА СҲШ МАСИРИ НАВИ ҲАМКОРӢ КУШОД

ТИБ ВА ДУРНАМОИ РУШДИ СОҲА. НУФУЗИ БАЙНАЛМИЛАЛИИ ДДТТ БОЛО МЕРАВАД

G7 15 МИЛЛИАРД ДОЛЛАРИ ИМА БАРОИ ТАЪЛИМИ ДУХТАРОН ҶУДО МЕНАМОЯД

ҶАҲОН ДАР ЯК САТР

ЛИГАИ ОЛӢ

САНГВОР. ОМОДАГӢ БА ҶАШНИ МИЛЛӢ ДАР НИГИНИ КӮҲИСТОНИ ТОҶИК

03.05.2021


ҶАЛАСАИ ҲАЙАТҲОИ ҲУКУМАТӢ ОИД БА ДЕЛИМИТАТСИЯ ВА ДЕМАРКАТСИЯИ САРҲАДИ ДАВЛАТӢ

ХУБ ШУД, КИ ЗАН БА ДАВЛАТ ЁР ШУД...

ҲИФЗИ МЕҲНАТ. МУШКИЛЕ, КИ ҲАЛТАЛАБ БОҚӢ МЕМОНАД

САД РАНГИ ЧАКАН

ФУТБОЛ

30.04.2021


БАРРАСИИ ДОИРАИ ВАСЕИ ҲАМКОРИҲОИ ТОҶИКИСТОНУ БОНКИ ҶАҲОНӢ

ПАРЛУМОН. ЧАҲОР ВАКИЛИ НАВ САВГАНД ЁД КАРД

ДДХ. ОҒОЗИ ОЗМУНИ ҶУМҲУРИЯВИИ ”ИЛМ – ФУРӮҒИ МАЪРИФАТ”

28.04.2021


ҶАЛАСАИ ШӮРОИ ВАЗИРОНИ МУДОФИАИ КИШВАРҲОИ УЗВИ СААД БАРГУЗОР ГАРДИД

ИММУНИЗАТСИЯ. ВАКСИНАҲО МОРО БО ҲАМ НАЗДИК МЕКУНАНД


Дар сомонаҳои дигари Тоҷикистон хонед