logo

иҷтимоиёт

ОБ БОШАД, СУРУД ҲАМ МЕШАВАД!

Оё боре ҳисоб кардаед, ки дар оилаатон рӯзе, ҳафтае ё моҳе барои эҳтиёҷи рӯзгор чӣ миқдор об сарф мешавад? На? Аммо ҳар сокини ноҳияи Хуросонро ҳатто аз хоби ширинаш бедор карда бипурсед, ба ин савол филфавр ҷавоби дақиқ медиҳад.
Дигарон дар хона обҳисобкунак доранд ё сарфи обро барояшон корманди (пулчинаки) хадамоти таъминоти об ҳисоб ва маблағи пардохташро муайян месозад, аммо дар ин ноҳия усули нав кашф кардаанд ва ҳаҷми масраф бо мошин ҳисоб мешавад.
Дар ноҳия манзалати ронандаҳои мошини обкаш басо баланд асту бозорашон гарм. Аз соли таъсисёбии ноҳия аксари сокинон мушкили оби нӯшокӣ доранд. Аниқтар ҳам гуфтан мумкин 81 дарсади аҳолӣ (аз 120 ҳазор нафар) дар ин муддат ба умеди ҳар раиси нави ноҳия мешуданд, ки бо пою қадамаш оқибат аз ин мушкилӣ вомераҳанд. Лекин…
Ҳоло мушкилкушои асосӣ ронандаҳои мошинҳои обкашанд. Ба дасташон 60 - 100 сомонӣ мечаспонӣ ва соҳиби як мошин (4 - 6 тонна) об мешавӣ. Аз ҷумла, сокинони Ҷамоати шаҳраки Обикиик (маркази ноҳия), танҳо ҳамин роҳи ҳалли масъаларо пайдо кардаанд. 
Хоҳу нохоҳ саволе пайдо мешавад, ки ин қадар обро онҳо дар куҷо нигоҳ медоранд? Агар аз маҳаллаи Исмоили Сомонии шаҳрак гузаред, назди биноҳои истиқоматии панҷошёна чандин чоҳи бадвоҳимаи бетониро мебинед. Оби мошинро ба ҳамин чоҳҳои кандаву бетонпӯшкардаашон рехта, баъд бо сатил то ошёнаи панҷум мекашонанд. Баъзеҳо дар чоҳ насос насб карда, аз он то хонаи худ лӯлаи борик кашидаанд. Ба ҳунари сарфакориашон аҳсан гӯед, ки бо тарновҳои худсохташон оби борону барф на ба замин, балки рост ба чоҳҳо меравад! Аммо як мошин об чанд рӯз кифоя мекунад ва магар ҳама имконияти харидани онро дорад? 
Сокини маҳалла Натиҷамоҳ Муллоева гуфт, ки ба оилааш шаш тонна ду ҳафта мерасаду халос. Баъд боз пул барору об фармо. Чун нафақахӯр аст, нисфи пули нафақааш ба об меравад. Обро ронандаҳо аз канали Ҷамоати деҳоти Ҳилолӣ ва шохаи рости канали ноҳияи Ёвон меоранд.
Собиқ  директори маркази назорати давлатии санитарию эпидемиологии ноҳия Низомиддин Бобоев комилан зид аст, ки мардум аз ин об истеъмол кунанд, зеро оби ин ду канал сирф полизист, на нӯшоӣ. Бо вуҷуди ин, 94 дарсади аҳолии ноҳия ночор аз он менӯшад. 
- Нӯшидан аз оби полизӣ, чоҳ ва мошинҳо, комилан хилофи қоидаю меъёрҳои санитарию гигиенист, зеро дар чоҳу канал обполо нест ва тозаю безарар будани онро касе кафолат дода наметавонад, - гуфт Н. Бобоев. - Барои ҳамин, дар ноҳия зиёд шудани бемориҳои сироятӣ ҷойи ҳайрат надорад.
Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон зимни ҳар сафари хеш ба шаҳру навоҳӣ роҳбарони маҳаллиро, аз ҷумла ба ҳалли ҳамин масъалаи ҳаётан муҳим, мехонанд. Аммо вазъи беобии аҳолӣ, ки ду даҳсола идома дорад, ба хулосаи ногувор меорад: дар ноҳияи Хуросон ба ин суханҳо гӯши шунаво нест.
Умед аст, ки мушкилии рақами 1 - и сокинони ноҳияи Хуросон дар доираи амалисозии Даҳсолаи байналмилалии амал «Об барои рушди устувор, солҳои 2018 - 2028» рафъ хоҳад гардид. Ё масъулон андешаи дигар доранд?
 
Кароматулло АТО, 
«Ҷумҳурият»
  
P.S. Хуросониҳои зариф, ки аз нон камӣ надоранд,  таъбири сарвари вақти Иттиҳоди Шӯравӣ Леонид Брежнев - «Нон бошад, суруд ҳам мешавад» - ро ба умеди рӯзе ба серобӣ расидан, устокорона такмил додаанд: об бошад, суруд ҳам мешавад!
 


Баёни ақида (0)    Санаи нашр: 04.05.2021    №: 89    Мутолиа карданд: 627
21.06.2021


КАЙФАР

70 СОЛ ДАР РОҲИ ОМӮЗИШИ ТАЪРИХ ВА ФАРҲАНГИ МИЛЛАТ

НУРОБОД. ВАҚТЕ КИ ЗАМИН МАҚСАДНОК ИСТИФОДА МЕШАВАД...

11.06.2021


СУҒД. НАПАРДОХТАНИ ҲАҚҚИ ИСТИФОДАИ ОБ МУШКИЛИ ҲАЛТАЛАБ БОҚӢ МЕМОНАД

08.06.2021


ҲИСОР. Муовини Сарвазир аз иншооти ҷашнӣ дидан кард

КИТОБХОНАҲОИ ХУРДИ САЙЁР ТАҶРИБАИ НАВ ДАР РОҲИ ДОНИШАНДӮЗӢ

САЙЁҲӢ. БАРРАСИИ МАСОИЛИ РУШД МИЁНИ ҶУМҲУРИҲОИ ТОҶИКИСТОН ВА ӮЗБЕКИСТОН

ИҶТИМОИЁТ. НИЁЗМАНДОН ҲАМЕША МАВРИДИ ТАВАҶҶУҲАНД

ТОҶИКИСТОН ВА ӮЗБЕКИСТОН. УФУҚҲОИ НАВИ ҲАМКОРӢ

МАРАФОНИ ВЕЛОСИПЕДРОНӢ БАРГУЗОР МЕШАВАД

«ҶУМҲУРИЯТ» ДАР КОБУЛ. СИПОСИ ЛАШКАРӢ БА РӮЗНОМАИ № 1- И ТОҶИКИСТОН

04.06.2021


ФУТЗАЛ

Путин бори дигар шаҳрвандонро ба эмгузаронӣ даъват намуд

Ҷаҳон дар як сатр

10 ДОВТАЛАБИ БЕҲТАРИН

03.06.2021


ВКХ Чин: «Муносиботи Чин бо Россия дар сатҳи олӣ қарор дорад»

КИТОБИ КОРМАНДИ «ҶУМҲУРИЯТ» БА ЗАБОНИ ӮЗБЕКӢ НАШР ШУД

МИНТАҚАИ КӮЛОБ. ГУРӮҲИ ТАБЛИҒОТӢ НАЗДИКИ 50 ВОХӮРӢ АНҶОМ ДОД

02.06.2021


Лавров: «Россия ба иқдомҳои муғризонаи ИА аксуламал нишон медиҳад»

ҶАҲОН ДАР ЯК САТР

ДАНҒАРА. ҲАДАФ: ҲИФЗИ ҲУҚУҚИ КӮДАКОН

26.05.2021


ЁДБУДИ НАФАСБЕК РАҲМОНӢ

28 май Путин бо Лукашенко вомехӯрад

Ҷаҳон дар як сатр

БОКС

ШУНАВАНДАГОНИ КУРСИ “ЗАН - САРВАР” - И ВМКБ СОҲИБИ ШАҲОДАТНОМА ГАРДИДАНД

25.05.2021


Р А Ш Т. ЁРӢ БА ЗАРАРДИДАГОНИ ВИЛОЯТИ ХАТЛОН

21.05.2021


"ШАБЕ ДАР ОСОРХОНА"-И МИЛЛИИ ТОҶИКИСТОН

ҶАЛАСАИ ШӮРОИ ВАЗИРОНИ КОРҲОИ ХОРИҶИИ СААД

19.05.2021


ВОХӮРИИ СИРОҶИДДИН МУҲРИДДИН БО ВЛАДИМИР МАКЕЙ

ДАСТРАСӢ БА ИТТИЛООТИ СУДӢ. ҚАБУЛИ ЛОИҲАИ ҚОНУНЕ, КИ МАҚОМОТИ СУДИРО БА ВАО НАЗДИК МЕСОЗАД

ИЗҲОРОТИ ПРЕЗИДЕНТИ РОССИЯ ВЛАДИМИР ПУТИН

ҶАҲОН ДАР ЯК САТР

ФУТБОЛ. ҲАЙАТИ ТИМИ МИЛЛӢ МУАЙЯН ШУД

18.05.2021


ҶАЛАСАИ ШӮРОИ ВАЗИРОНИ КОРҲОИ ХОРИҶИИ СААД БАРГУЗОР МЕШАВАД


Дар сомонаҳои дигари Тоҷикистон хонед