logo

Хабарҳо

ВОДИИ РАШТ

Ҳукумат манзилҳои бар асари заминларза  харобгаштаро барқарор месозад
Субҳи 10 июл, соати 07:14 ба вақти маҳаллӣ, дар Тоҷикистон заминларза рух дод, ки дар ноҳияи Рашт қуввааш ба 5,9 балл баробар буд. Тавре Кумитаи ҳолатҳои фавқулода ва мудофиаи гражданӣ хабар дод, зилзила дар 165 километрии қисми  шимолу шарқи шаҳри Душанбе ва 21 километр то ноҳияи Рашт, дар ҳудуди ноҳияи Тоҷикобод ба вуқӯъ пайваст.
Мутаассифона, бар асари ин офати табиӣ хисороти ҷонӣ ва молӣ ба қайд гирифта шуд. Панҷ сокини деҳаи Бӯстони деҳоти Лангари Шоҳи ноҳияи Тоҷикобод зери хок монда, ба ҳалокат расид. Дар деҳаҳои Бӯстон, Сари Чашма ва Кӯли Калон манзилҳои истиқоматӣ, хатҳои барқу алоқа, дар деҳаҳои Ҳазорчашма, Ярхоб 7 манзили истиқоматӣ ва деҳаи Шархо ва Сари Шухони Ҷамоати деҳоти Аскалони ноҳияи Рашт 12 манзили истиқоматӣ зарар дидаанд.
Дар асоси дастуру супоришҳои Президенти мамлакат муҳтарам Эмомалӣ Раҳмон таҳти роҳбарии Раиси Маҷлиси намояндагони Маҷлиси Олӣ  Маҳмадтоир Зокирзода ситоди фаврӣ ташкил шуд. Маҳмадтоир Зокирзода дар мулоқот бо зарардидаҳо зикр кард, ки Ҳукумати Ҷумҳурии Тоҷикистон бо тамоми саъю кӯшиш баҳри дастгирии мардум кор бурда истодааст. Манзилҳои валангоргаштаи минтақаҳои осебдида пурра аз тарафи Ҳукумати Ҷумҳурии Тоҷикистон барқарор карда мешаванд.
 
 
Тоҷикистон ва САҲА вазъи Афғонистонро баррасӣ карданд
Вазири корҳои  хориҷии Ҷумҳурии Тоҷикистон Сироҷиддин Муҳриддин бо вазири корҳои хориҷии Подшоҳии Шведсия - Раиси амалкунандаи Созмони Амният ва Ҳамкорӣ дар Аврупо хонум Анн Линде ба таври маҷозӣ мулоқот намуд.
Тавре Вазорати корҳои хориҷӣ хабар медиҳад, масъалаҳои марбут ба вазъ дар Афғонистон дар меҳвари ин суҳбат қарор доштанд. Сироҷиддин Муҳриддин дар бораи вазъи нигаронкунанда дар марзи Тоҷикистону Афғонистон маълумот дод.
Зимнан саҳми Тоҷикистон ва нақши лоиҳаҳои минтақавӣ дар раванди эҷоди сулҳ ва эҳёи иқтисодӣ дар он кишвар муҳим арзёбӣ шуданд. Дар ин маврид нақши коллеҷи идораи сарҳадии САҲА барои кормандони аршад дар Душанбе ҷиҳати бозомӯзии онҳо дар масъалаҳои идораи сарҳадӣ дар минтақаи САҲА таъкид гардид.
Хонум Анн Линде омодагии САҲА-ро барои мусоидат ба ҳалли ҳолати бавуҷудомада пешниҳод кард. 
Тарафҳо барои истифодаи имкониятҳои фаровон ҷиҳати густариши ҳамкориҳо дар чорчӯби САҲА изҳори омодагӣ намуданд.
 
 
Муносибатҳои Тоҷикистон ва Эрон густариш меёбанд
Дар шаҳри Душанбе бино ба дархости ҷониби Эрон мулоқоти муовини якуми вазири корҳои хориҷӣ Хусрав Нозирӣ бо сафири фавқулода ва мухтори Ҷумҳурии Исломии Эрон дар Тоҷикистон Муҳаммадтақӣ Собирӣ баргузор шуд. 
Дар вохӯрӣ масъалаҳои густариши муносибатҳои дуҷонибаи Тоҷикистон ва Эрон  дар заминаҳои гуногун баррасӣ гардида, перомуни ҳамкории ду кишвар дар чаҳорчӯби созмонҳои байналмилалӣ ва минтақавӣ табодули афкор сурат гирифт.
 
 
COVID - 19
Дар Тоҷикистон 38 ҳолати нави сироятёбӣ сабт шуд
Давоми шабонарӯзи охир дар Тоҷикистон  38 ҳолати нави гирифторшавии шаҳрвандон ба бемории COVID-19 ба қайд гирифта шуд. Ҳамчунин, 21 нафар пас аз муолиҷа солим ба хона баргашт, - хабар медиҳад маркази матбуоти Вазорати тандурустӣ ва ҳифзи иҷтимоии аҳолии ҷумҳурӣ.
Дар маҷмӯъ, аз аввали бақайдгирӣ то 11 июл дар кишвар 13834 нафар гирифторони коронавирус ба қайд гирифта шуда, аз ин шумора то санаи зикргардида 13535 нафар (97,8%) шифо ёфтааст. 
Вазорати тандурустӣ ва ҳифзи иҷтимоии аҳолӣ аз сокинон даъват ба амал меорад, ки дар ҷойҳои ҷамъиятӣ қоидаҳои пешгирикунандаи бемории коронавирусро қатъиян риоя намоянд.
 


Баёни ақида (0)    Санаи нашр:    №:    Мутолиа карданд: 324
30.07.2021


Миёни вазоратҳои корҳои хориҷии Тоҷикистон ва Баҳрайн машварат доир шуд

АЗ НИШАСТҲОИ МАТБУОТӢ

28.07.2021


Санаи сафари давлатии Пешвои миллат ба Туркманистон дақиқ шуд

ФУТЗАЛ

ҶАҲОН ДАР ЯК САТР

Тамринҳои низомӣ дар марз бо Афғонистон бо иштироки 1,5 ҳазор нафар аз се кишвар

АЗ НИШАСТҲОИ МАТБУОТӢ

ҚАЛЪАИ ЯМЧУН БАРҚАРОР МЕГАРДАД

27.07.2021


Бознашри мақола ва мусоҳибаи Президенти Тоҷикистон дар ВАО-и Ӯзбекистон

АЗ НИШАСТҲОИ МАТБУОТӢ

ТОҶИКИСТОН. БЕШ АЗ 80 ДАРСАДИ РОҲБАРОНИ ШИРКАТҲОИ САЙЁҲӢ ҶАВОНОНАНД

Якчанд фармондеҳи "Толибон" дар Афғонистон боздошт шуданд

Варзиш

26.07.2021


МАРКАЗИ МАТБУОТИ ҚӮШУНҲОИ САРҲАДӢ ХАБАР МЕДИҲАД

ХАТЛОН. ТАЪСИСИ 48 КОРХОНАВУ КОРГОҲ ДАР ШАШ МОҲ

АЗ НИШАСТҲОИ МАТБУОТӢ

ММТ. Натиҷаи озмуни тақсимоти асосӣ эълон гардид

Варзиш

AFP: “ИМА амалиётҳои ҳавоиро дар Афғонистон дар сурати ҳамлаҳои нави “Толибон” идома медиҳанд”

Ҷаҳон дар як сатр

ВМКБ. МАҶМӮИ МАҲСУЛОТИ МИНТАҚАВӢ БА 454,2 МИЛЛИОН СОМОНӢ РАСИД

23.07.2021


Ҳушдор аз эҳтимоли омадани селҳои пиряхӣ

АЗ НИШАСТҲОИ МАТБУОТӢ

РАШТ. ҶАВОНМАРДОН БАРОИ ҲИФЗИ САРҲАД ОМОДААНД

ХАТЛОН. МАШҚҲОИ ОМОДАГИИ ҲАРБӢ БО МАҚСАДИ ДИФОЪ АЗ ВАТАН

САРВАЗИРИ МАМЛАКАТ АЗ ҲОЛИ ЗАРАРДИДАГОНИ ОФАТИ ТАБИӢ ДИДАН КАРД

АЗ НИШАСТҲОИ МАТБУОТӢ

21.07.2021


Туҳфаи Пешвои миллат - «Тоҷикон» ба сокинони ноҳияи Ашт

АЗ НИШАСТҲОИ МАТБУОТӢ

Сарвари СҶТ роҳи боздоштани пандемияи коронавирусро ошкор кард

Пирӯзии «Истиқлол» бар «Металлург»

Аз нишастҳои матбуотӣ

Нокомии музокироти Ҳукумати Афғонистон ва ҳаракати «Толибон»

Ҷаҳон дар як сатр

16.07.2021


Рушди сайёҳӣ дар шароити пандемияи COVID- 19 баррасӣ шуд


Дар сомонаҳои дигари Тоҷикистон хонед