logo

Хабарҳо

АЗ НИШАСТҲОИ МАТБУОТӢ

САНОАТ
157 корхонаву коргоҳ бунёду 96 адад аз фаъолият монд
Дар нимсолаи аввали соли равон дар ҷумҳурӣ истеҳсоли маҳсулоти саноатӣ ба 16 миллиарду 632,5 миллион сомонӣ расид, ки нисбат ба ҳамин давраи соли гузашта 3 миллиарду 557,4 миллион сомонӣ беш аст. Ин рақам зимни нишасти матбуотии Вазорати саноат ва технологияҳои нав манзури рӯзноманигорон гашт. 
Дар давраи сипаригашта 157 корхонаву коргоҳи нав мавриди истифода қарор гирифта, дар онҳо 1366 кас соҳиби ҷои кор шуд. Аз ҳисоби 157 корхонаву коргоҳи нав ба маблағи 143,4 миллион сомонӣ маҳсулот истеҳсол гардид, ки он 0,9 дарсади маҷмӯи маҳсулоти саноатиро ташкил медиҳад. 
Вазири саноат ва технологияҳои нав Шералӣ Кабир гуфт, ки дар ин давра 96 корхона фаъолият накардааст. Корхонаҳои аз фаъолият бозмонда ба соҳаи саноати хӯрокворӣ, сохтмон, саноати сабук, мошинсозӣ, табъу нашр, ангишт ва маъдан рост меояд.
«Сабабҳои асосии фаъолият накардани 96 корхона, пеш аз ҳама дар марҳилаи барҳамхӯрӣ қарор доштан, муфлисшавӣ ва мушкилоти молиявӣ, мавҷудияти қарзҳо аз ҳисоби андозҳо ва баҳси амвол бо бонкҳо, фарсудашавии таҷҳизот, надоштани иҷозатнома, аз ҷумҳурӣ рафтани роҳбари корхона бинобар шаҳрванди хориҷӣ будан, надоштани бино, қитъаи замин ва дар дигар самт фаъолият доштани онҳо мебошад», - илова кард вазир.
 
Кароматулло АТО, 
«Ҷумҳурият»
 
 
 
ШИРИН АМОНЗОДА: «То соли 2025 - ум 900 ҳазор нафар ба касбомӯзӣ фаро гирифта мешавад»
Ба саволи хабарнигори рӯзнома оид ба иҷрои супориши Пешвои миллат ҷиҳати барӯйхатгирии ҷавонони бекор вазири меҳнат, муҳоҷират ва шуғли аҳолӣ Ширин Амонзода зимни нишасти матбуотӣ гуфт:
- Дар робита ба ин супориши Сарвари давлат вазорат тибқи нақшаи кории муштарак бо Кумитаи кор бо ҷавонон ва варзиш пурсиши хонаводагиро барои муайян намудани ҷавонони бешуғл роҳандозӣ хоҳанд кард. Дар доираи татбиқи барномаҳои давлатии мусоидат ба шуғли аҳолӣ ва ба касбомӯзӣ фаро гирифтани ҷавонони аз 18 - сола боло барои то соли 2025, ки соҳибкасб намудани беш аз 900 ҳазор нафар дар назар аст, онҳо ба омӯзиш ҷалб мешаванд.  
Зикр гашт, ки дар нимсола ба намояндагии вазорат дар Россия 7827 муроҷиату дархост ворид гардида, бо дахолати онҳо ба маблағи 10 миллиону 900 ҳазор рубли русӣ музди меҳнати муҳоҷирони тоҷик барқарор карда шуд. 30 қарори судҳои ноҳиявӣ ва шаҳрӣ нисбат ба шаҳрвандони Тоҷикистон бо қарорҳои судҳои болоии Россия бекор гардиданд. 
 
Меҳрангез ҚОДИРОВА, «Ҷумҳурият»
 
 
 
КОРРУПСИЯ
1211 ҷиноят ошкор гардид
Давоми нимсолаи аввали соли ҷорӣ мутахассисони самти назорати давлатии молиявии Агентии назорати давлатии молиявӣ ва мубориза бо коррупсия дар вазорату идораҳо, мақомоти иҷроияи маҳаллии ҳокимияти давлатӣ, марказҳои татбиқи лоиҳаҳои сармоягузорӣ, субъектҳои хоҷагидори давлатӣ ва дигар муассисаҳои буҷетӣ 500 тафтишу санҷиши молиявӣ гузаронда, 235,8 миллион сомонӣ зарари молиявиро ошкор намуданд. Дар натиҷа аз ин маблағ 178,4 миллион (49,5 миллион ба буҷет ва 128,9 миллион ба корхонаву муассисаҳо) барқарор гардид, ки 75,7 дарсади маблағи умумиро ташкил медиҳад. 
Дар ин бора Сулаймон Султонзода, директори агентӣ, дар нишасти матбуотӣ иттилоъ дод. Ӯ гуфт, ки воҳидҳои ҳифзи ҳуқуқи агентӣ 1211 ҷинояти коррупсионӣ, иқтисодии хусусияти коррупсионидошта ва ҷиноятҳои ба андоз алоқамандро нисбат ба 788 нафар ошкор намуданд, ки 470 адади он ба гурӯҳи ҷиноятҳои вазнин дохил аст.
Ба гуфтаи директори агентӣ вобаста ба 57,4 миллион сомонӣ маблағи зарари боқимонда маводи санҷишӣ дар баррасии сохторҳои ҳифзи ҳуқуқи агентӣ қарор доранд. То ҷамъбасти нимсолаи дуюм ҳатман маблағҳои боқимонда барқарор карда мешаванд.
 
Маҳмуд МИРЗОЁН, «Ҷумҳурият»    
 
 
 
ШАҲРИ ТУРСУНЗОДА
Истеҳсоли маҳсулоти кишоварзӣ ба 263 миллион сомонӣ расид
Кишоварзӣ яке аз соҳаҳои афзалиятноки шаҳри Турсунзода ба ҳисоб рафта, деҳқонони он бо мақсади рӯёндани ҳосили дилхоҳу фаровон, афзун намудани ҳаҷми истеҳсоли маҳсулот, ғанӣ гардондани бозори истеъмолӣ ва саҳм гузоштан дар таъмини амнияти озуқавории сокинони мамлакат фаъолияти худро ба роҳ монданд. Нимсолаи якуми соли ҷорӣ дар ҳамаи шаклҳои хоҷагидории шаҳр ба маблағи 263 миллион сомонӣ маҳсулоти кишоварзӣ истеҳсол гардид, ки нисбат ба ҳамин давраи соли гузашта 12 миллион сомонӣ зиёд аст. 
Дар ин бора Парвиз Акрамзода, раиси шаҳр, зимни нишасти матбуотӣ  иттилоъ дод. Зикр шуд, ки айни ҳол ҷиҳати беталаф нигоҳ доштани маҳсулот ва таъмини бозори истеъмолӣ дар давраи зимистонгузаронӣ 40 сардхона бо ғунҷоиши 7247 тонна мавҷуд аст.
Соли равон кишоварзони шаҳр дар майдони 21216 гектар кишти зироат, аз ҷумла 13921 ғалладона, 3190 сабзавот, 1046 картошка, 1024 пахта, 766 зағер, 1021 хӯроки чорво, 228 полизиҳо гузаронданд. Дар маҷмӯъ, то имрӯз 47221,2 тонна сабзавот истеҳсол гардид. Майдони умумии гармхонаҳои мавсимию доимӣ 32,1 гектарро ташкил медиҳад. 
Заҳмати кишоварзон ва рӯёндани ҳосили фаровон ба он мусоидат намуд, ки дар ин давра 54464 тонна маҳсулоти кишоварзӣ ба дигар шаҳру ноҳияҳои мамлакат ва 3058 тонна ба хориҷи кишвар содирот гардад.
 
Матлубаи АБДУҚАҲҲОР, “Ҷумҳурият”
 
 
 
ҲИСОР
Саноат рӯ ба рушд
Шарифҷон Ҷумъазода, раиси шаҳри Ҳисор, зимни нишасти матбуотӣ иттилоъ дод, ки дар нимсолаи аввали соли равон ҳаҷми маҷмӯи маҳсулоти минтақавӣ дар шаҳр 1 миллиарду 481,1 миллион сомониро ташкил намуда, суръати рушди он ба 114,1 дарсад баробар гардид, ки нисбат ба ҳамин давраи соли гузашта 182,9 миллион сомонӣ зиёд мебошад. 
Гуфта шуд, ки дар доираи таҷлили Ҷашни 30 - солагии Истиқлолияти давлатӣ ва татбиқи ҳадафи чоруми стратегӣ - саноатикунонии босуръати кишвар дар шаҳр таваҷҷуҳи ҷиддӣ зоҳир мегардад. Ин тадбирҳо имкон доданд, ки дар баробари бунёди иншооти ҷашнии иҷтимоию фарҳангӣ, инчунин, корхонаҳои хурду миёнаи саноатӣ ба фаъолият шурӯъ намоянд. Айни  ҳол дар шаҳр 76 корхонаи саноатӣ мавҷуд аст, ки асосан дар самти истеҳсол ва коркарди махсулоти саноати сабук, нӯшокии машруботӣ, маҳсулоти нафтӣ, оҳан, маводи сохтмонӣ фаъолият доранд. Корхонаҳои саноатии шаҳр дар ин давра ба маблағи 120,2 миллион сомонӣ маҳсулоти саноатӣ истеҳсол ва коркард намудаанд, ки нисбат ба соли гузашта 13 миллион сомонӣ зиёд аст.  
 
Матлубаи АБДУҚАҲҲОР, “Ҷумҳурият” 
 
 
 
КӮШОНИЁН
Нафаси тозаи созандагӣ
Давоми шаш моҳи аввали соли ҷорӣ нақшаи пардохти андоз 103,3 дарсад иҷро гардида, ба буҷет беш аз 24 миллион сомонӣ ворид шуд, ки нисбат ба ҳамин давраи соли гузашта 4 миллиону 569 ҳазору 737 ҳазор сомонӣ зиёд мебошад.
Ин нуктаро Икромиддин Вализода, раиси ноҳияи Кӯшониён, зимни нишасти хабарӣ иброз дошт.
Зикр шуд, ки ҳаҷми истеҳсоли маҳсулот ба 776 миллиону 580 ҳазору 400 сомонӣ расид, ки аз ин 632 миллиону 13 ҳазор сомонӣ ба соҳаи кишоварзӣ, 83 миллиону 799 ҳазору 500 сомонӣ ба соҳаи саноат ва 60 миллиону 767 ҳазору 900 сомонӣ ба соҳаи сохтмон рост меояд.
Бо мақсади таҷлили сазовори 30-солагии Истиқлолияти давлатии Тоҷикистон сохтмони 337 иншоот дар назар буда, то 1-уми июли соли ҷорӣ 314-тои он ( 93,2 дарсад) ба истифода дода  шуд. Ҳамзамон, дар доираи омодагиҳо ба ин ҷашни фархунда аз ҷониби соҳибкорони маҳаллӣ 9,1 километр роҳи аҳамияти маҳаллӣ ва се пул мавриди таъмиру навсозӣ қарор гирифтанд.
 
Зокир ҲАСАН, «Ҷумҳурият»


Баёни ақида (0)    Санаи нашр:    №:    Мутолиа карданд: 457
17.09.2021


Токаев аз кишварҳои СААД хост, ки дар таҳкими марзи Тоҷикистон ёрӣ расонанд

Ҷаҳон дар як сатр

СЕ МЕДАЛ - ТУҲФАИ ҶАШНӢ

16.09.2021


Ҷаласаи муштараки ШВКХ, ШВМ ва ККША СААД

ПАҲЛАВОНИ ТОҶИК - СОҲИБИ ШОҲҶОИЗА

СОЗИШНОМАИ БМТ БО БОНКИ МАРКАЗИИ РОССИЯ

ТОҶИКОБОД. НИЁЗМАНДОН ДАСТГИРӢ ЁФТАНД

ҶИУ-ҶИТСУ

МУЛОҚОТИ ЭМОМАЛӢ РАҲМОН БО НИКОЛ ПАШИНЯН

15.09.2021


Лоиҳаи Қонун «Дар бораи фаъолияти инжинирингӣ» баррасӣ гашт

ЛИГАИ ҚАҲРАМОНҲО

Рӯйдодҳои илмӣ

ХУҶАНД. БОЗ ЧАНД ИНШООТИ НАВИ ҶАШНӢ ДАР ХИЗМАТИ СОКИНОН

14.09.2021


Нахустин вохӯрии сарварони кишварҳои узви СҲШ ва СААД оид ба вазъи Афғонистон дар Душанбе

МАКТАБИ СИЁСИИ ПЕШВОИ МИЛЛАТ КОРШИНОСОНУ МУҲАҚҚИҚОНИ ДОХИЛУ ХОРИҶРО БА ҲАМ МЕОРАД

“МАРҲАБО БА 20-СОЛАГИИ СҲШ”

I БОЗИҲОИ КИШВАРҲОИ ИДМ

ЛАХШ. ИММУНИЗАТСИЯ БО МАРОМ ИДОМА ДОРАД

13.09.2021


Маҷаллаи «Diplomatisches Magazin» дастовардҳои Тоҷикистонро муаррифӣ намуд

Дар Афғонистон ҷанг бо «Толибон» дубора авҷ гирифт

Ҷаҳон дар як сатр

ГӮШТИИ МИЛЛӢ

«ФАРҲАНГИ ДОРО»-И ДОРО

«ЧОРСӮ» ДАР КӮЛОБ МАКТАБ СОХТ

СУДҲОИ ИҚТИСОДӢ САМАРАИ СОҲИБИСТИҚЛОЛИИ ДАВЛАТИАНД

ТАНТАНАИ ҶАШНИ МИЛЛӢ ДАР МУРҒОБ

08.09.2021


Маҷлиси намояндагон Қонуни авфро қабул кард

Задухӯрдҳои шадид дар водии Панҷшери Афғонистон идома доранд

Ҷаҳон дар як сатр

I БОЗИҲОИ КИШВАРҲОИ ИДМ

СОЗМОНИ ҲАМКОРИИ ШАНХАЙ. БАРРАСИИ МАСЪАЛАҲОИ МУҲОҶИРАТ

ТАҶЛИЛИ 30-СОЛАГИИ ИСТИҚЛОЛ ДАР БМТ

06.09.2021


БОЗИҲОИ ПАРАЛИМПӢ

03.09.2021


Шумораи махсуси маҷаллаи “Business Central Asia” бахшида ба 30-солагии Истиқлоли давлатии Тоҷикистон

«ТАШАББУСҲОИ ПРЕЗИДЕНТИ ҶУМҲУРИИ ТОҶИКИСТОН ЭМОМАЛӢ РАҲМОН ДАР ТАНЗИМИ МАСЪАЛАИ АФҒОНИСТОН»


Дар сомонаҳои дигари Тоҷикистон хонед