logo

Хабарҳо

Токаев аз анҷоми бомуваффақи рисолати СААД дар Қазоқистон хабар дод

 
RT. «Дар маҷмуъ, марҳалаи вазнини  амалиёти зиддитеррористӣ сипарӣ шуд, вазъ дар тамоми минтақаҳо муътадил аст. Дар ин росто, эълом медорам, ки рисолати асосии неруҳои сулҳофари СААД бомуваффақият анҷом ёфт. 13 январ хуруҷи марҳила ба марҳилаи ҳайати муттаҳидаи   сулҳофари СААД оғоз мешавад”, - гуфт Токаев.
Ба гуфтаи ӯ, тартиби хуруҷи онҳо на бештар аз даҳ рӯзро дар бар мегирад. 
«Ба маҳзи ин ки ин як таҷовузи мусаллаҳона аз ҷониби терроризми байналмилалӣ буд, Қазоқистон ба таври қонунӣ ба шарикони худ дар  Созмони Аҳдномаи амнияти дастаҷамъӣ бо дархости фиристодани ҳайати посдори сулҳ муроҷиат кард... Мо метавонистем назоратро дар Алма-Ато комилан аз даст диҳем»,- гуфт Роҳбари Қазоқистон.    
 
Чин амалҳои ҳукуматдорони Қазоқистонро ҷонибдорӣ кард
INTERFAX.RU. Чин аз оғози ҳодисаҳои Қазоқистон аз иқдомоти роҳбарияти Қазоқистон пуштибонии қатъӣ ва омодагии ҳамаҷониба дар вазъияти буҳронӣ нишон дод, - гуфта мешавад дар изҳороти мақомоти баландпояи Пекин.
Раиси Ҷумҳурии Мардумии Чин Си Ҷинпин дар паёми худ ба  Президенти Қазоқистон Қосим-Жомарт Токаев гуфтааст: «Сарфи назар  аз хатару чолишҳое,  ки  бояд бо он рӯ ба рӯ шуд, Чин дӯсту шарики боэътимоди Қазоқистон мебошад ва мардуми Чин  халқи Қазоқистонро ҳамеша дастгирӣ менамояд. Чин омода аст, ҳар кори аз дасташ меомадаро кунад, то ба Қазоқистон  ҷиҳати рафъи  вазъи буҳронӣ ёрӣ расонад».
Роҳбари Чин таъкид кард, ба неруҳои беруна, ки қасдан нооромиҳо эҷод карда, дар Қазоқистон «инқилоби ранга»-ро  роҳандозӣ менамоянд ва ба ҳама гуна кӯшишҳои халалдор кардани дӯстии Чину Қазоқистон   шадидан мухолифат мекунад.
 
СММ: «Қимати ғизо дар ҷаҳон 28% дар як сол боло рафт»
Известия. Охири соли 2021 нархи маводи ғизоӣ дар ҷаҳон 28,1% боло рафт. Дар ин бора маълумоте, ки сомонаи Созмони озуқа ва кишоварзии Созмони Милали Муттаҳид нашр кардааст, шаҳодат медиҳад.
Индекс дар давоми сол ба ҳисоби миёна 125,7 банд ва дар охири моҳи декабр 133,7 бандро ташкил дод, ки нисбат ба моҳи ноябр 0,9% камтар, аммо нисбат ба моҳи декабри соли 2020-ум 23,1% зиёдтар аст. Баландшавии нарх дар солҳои охир бесобиқа шуд - арзиши на танҳо ғалла ва равған, балки ҳамаи анвои асосии маҳсулоти хоҷагии қишлоқ афзуд.
Арзиши ғалладонагӣ аз соли 2012 ба авҷи худ расид, ки 27,2% афзудааст. Арзиши аслии ҷуворимакка 44,1 ва гандум 31,3 фоиз боло рафт. Ягона зироате, ки соли гузашта арзишаш паст шуд, шолӣ буд - тарҳи 4%. Ин созмон афзуд, ки зиёдшавии нақлиёт тавассути афзоиши рақобат байни истеҳсолкунандагон ҷуброн шудааст. Нархи равғани рустанӣ ва қанд аз ҳама бештар  боло рафт. Арзиши нафт дар як сол ба рекорди 65,8% ва нархи шакар 37,5% афзуд, ки нишондоди баландтарин аз соли 2016 аст. Нархи маҳсулоти ширӣ 16,9, маҳсулоти гӯштӣ 12,7 дарсад баланд шуд.  
 
Беларусҳо лоиҳаи Конститутсияи навро муҳокима мекунанд
Мир24. Шаҳрвандони кишвар бо Раиси Палатаи болоии парлумони Беларус Наталя Кочанова навсозии Конститутсияро баррасӣ карданд.  
Аз шахсони алоҳида ва ташкилотҳои ҷамъиятӣ таклифҳо омаданд. Даҳҳо нафар белорусҳо аз Минск ва дигар шаҳрҳо фикру мулоҳизаҳои худро баён карданд. Муҳокимаҳо дар атрофи чунин навгониҳо, аз қабили шумораи муҳлати ваколатҳои президент, тадбирҳои дастгирии иҷтимоӣ, сурат гирифтанд.  
«Мардум лоиҳаи ин қонунро амиқ меомӯзанд ва пешниҳодҳои воқеан ҷолиб доранд. Онҳо он моддаҳоеро номбар мекунанд, ки боиси шубҳаи онҳо гаштаанд. Аммо хушхабар ин аст, мардум, асосан, мегӯянд, ки сиёсати дар кишвари мо пешгирифташавандаро ҷонибдорӣ мекунанд ва дастовардҳои мамлакатро қадр менамоянд”, - гуфт Наталя Кочанова.
Пас аз омода шудани лоиҳаи Конститутсия он ба раъйпурсӣ гузошта мешавад. Баргузории он моҳи феврал дар назар аст.
 
Ҷаласаи Шурои Россия – НАТО бо ташаббуси Россия дар Брюссел баргузор мешавад
ТАСС. Марҳилаи дуюми машваратҳои Россия ва кишварҳои Ғарб оид ба амният  имрӯз дар Брюссел дар чаҳорчӯбаи нишасти нахустини Шурои Россия ва НАТО дар 2,5 соли ахир баргузор мешавад.  
Тавре Дабири кулли НАТО Йенс Столтенберг ва намояндаи доимии ИМА дар НАТО Ҷулианн Смит қаблан изҳор доштанд, эътилоф омода аст нигарониҳои Россияро бишнавад, барои оғози муколамаи ошкору пурмазмун тайёр аст, аммо ба созиш, бахусус дар мавриди тавсеаи НАТО,  омода нест. Ҳайати Россияро дар машваратҳо муовини вазири корҳои хориҷӣ Александр Грушко ва муовини вазири мудофиа Александр Фомин роҳбарӣ мекунанд. 
Дар нишаст аз ҷониби НАТО намояндагони доимии 30 кишвари  эътилоф дар Брюссел, муовини котиби давлатии ИМА Венди Шерман, Дабири кулли созмон Йенс Столтенберг ва намояндагони воломақоми низомии кишварҳои паймон ширкат меварзанд.
 


Баёни ақида (0)    Санаи нашр:    №:    Мутолиа карданд: 401
26.01.2022


ҶАҲОН ДАР ЯК САТР

Токаев бовар дорад, ки Қазоқистон баъд аз ошӯбҳои моҳи январ ба зудӣ барқарор мешавад

ТЕМУРМАЛИК. ЗИМИСТОНГУЗАРОНӢ ДАР САТҲИ БАЛАНД ҶАРАЁН ДОРАД

24.01.2022


Россия барои муассисаҳои таълимии Тоҷикистон 2 миллион доллар ҷудо мекунад

ҶАҲОН ДАР ЯК САТР

Изҳороти дипломати рус дар Вена

СПИТАМЕН. ТАВАҶҶУҲИ ҶАВОНОН БА ВАРЗИШ МЕАФЗОЯД

МАСТЧОҲ. ШИНОСОӢ БО РАФТИ КОРҲОИ ОБОДОНӢ

КӮЛОБ. ТАШАББУСҲОИ РОҲБАРИЯТИ ШАҲР ДАР САМТИ РОҲСОЗӢ

19.01.2022


ВОДИИ РАШТ. ВАҚТЕ ҲУКУМАТ БО САРМОЯГУЗОРОН ҲАМКОРИ БОЭЪТИМОД АСТ...

КӮЛОБ. БОЗДИД АЗ ҶАРАЁНИ КОРҲОИ СОХТМОНИИ МАВЗЕЪҲОИ ХАТАРЗО

НОҲИЯИ БОБОҶОН ҒАФУРОВ. ҲАДАФ ФАРОВОНИИ МАҲСУЛОТИ КИШОВАРЗӢ

17.01.2022


Финляндия ва Фаронса муҳимияти муколама бо Россияро баррасӣ карданд

ҶАҲОН ДАР ЯК САТР

Рӯйдодҳои илмӣ

14.01.2022


ҶАҲОН ДАР ЯК САТР

Токаев ба неруҳои посдори сулҳи СААД барои рисолати муваффақ изҳори сипос кард

ХАТЛОН. БАРДОШТ АЗ СОЛЕ, КИ ГУЗАШТ

12.01.2022


ҶАҲОН ДАР ЯК САТР

Токаев аз анҷоми бомуваффақи рисолати СААД дар Қазоқистон хабар дод

ПАЙРАВӢ АЗ СИЁСАТИ ИНСОНПАРВАРОНАИ ПЕШВОИ МИЛЛАТ

11.01.2022


ҶАҲОН ДАР ЯК САТР

Намоишгоҳи осори таърихии Тоҷикистон дар Париж ба поён расид

07.01.2022


ҶАҲОН ДАР ЯК САТР

Тоҷикистон ният дорад дар доираи СААД ба Қазоқистон ҷиҳати рафъи хатар кумак кунад

ВАХШ. БОЗДИДИ РАИСИ ВИЛОЯТ АЗ РАФТИ КОРҲОИ СОЗАНДАГӢ

15.12.2021


Ҷаласаи якҷояи Маҷлиси миллӣ ва Маҷлиси намояндагон доир мегардад

Маъмурияти дипломатии сафири Украина дар Тоҷикистон ба анҷом расид

ВМКБ. Ҷамъбасти фаъолияти фаврӣ-хизматии РВКД

29.11.2021


Алиев: «Россия дар ба эътидол овардани равобити Ереван ва Боку нақши муҳим дорад»

Ҷаҳон дар як сатр

МУЛОҚОТИ ҲОКИМ ХОЛИҚЗОДА БО САФИРИ АРАБИСТОНИ САУДӢ ДАР ТОҶИКИСТОН

26.11.2021


Иштироки Рустами Эмомалӣ дар ҷаласаи навбатии Шурои Ассамблеяи байнипарлумонӣ

Лавров бо вазирони корҳои хориҷии Чин ва Ҳиндустон роҳҳои рушди ҳамкориҳои сеҷонибаро баррасӣ мекунад

Ҷаҳон дар як сатр


Дар сомонаҳои дигари Тоҷикистон хонед