logo

Хабарҳо

Мавқеи Тоҷикистон дар радабандии амнияти озуқаворӣ 10 зина боло рафт

Даҳумин намояи (индекси) глобалии амнияти озуқаворӣ - 
The Global Food Security Index нашр шуд, ки тибқи он Тоҷикистон мавқеашро соли 2021 нисбат ба соли 2019 даҳ зина беҳтар кардааст. 
Кишвари мо дар ин раддабандӣ 51,6 имтиёз ба даст оварда, миёни 113 мамлакати ҷаҳон дар ҷойи 83-юм қарор гирифт. Тоҷикистон соли 2019 дар мавқеи 93-юм ва соли 2020 дар  зинаи  85-ум буд. Имтиёзи бадастоварда ба Тоҷикистон имкон дод, ки мавқеи худро дар гурӯҳи кишварҳои дорои сатҳи муътадили (муносиби) амнияти озуқаворӣ нигоҳ дорад.
Ба иттилои АМИТ «Ховар», тавре дар пажӯҳиш зикр шудааст, агар соли 2020 дар Тоҷикистон ба ҳар сари аҳолӣ ҳамагӣ 5 кг гӯшт истеҳсол шуда бошад, то охири соли 2021 ин рақам ба 19 кг расидааст. Инчунин, истеҳсоли шир низ боло рафта, аз 51 литр ба ҳар сари аҳолӣ дар соли 2020  то ба 114 литр дар соли 2021 афзоиш ёфтааст.
 
 
Мулоқоти вазири маориф ва илм бо роҳбари БОҶ
Вазири маориф ва илм Раҳим Саидзода дар суҳбат бо Адҳам Мусаллам, роҳбари намояндагии Барномаи озуқавории ҷаҳонии Созмони Милали Муттаҳид дар Ҷумҳурии Тоҷикистон, гуфт, ки бо дастгирии БОҶ дар доираи амалисозии кумак оид ба таъмини ғизои мактабӣ дар деҳоти кишвар 435 ҳазору 667 кӯдаки оилаҳои осебпазир дар 2000 мактаби 52 шаҳру ноҳияи Тоҷикистон бо ғизо таъмин мегардад. Ин наздики 50 дарсади ҳамаи хонандагони синфҳои ибтидоии мамлакатро ташкил медиҳад. 
Ҳамчунин, бо мусоидати Пажӯҳишгоҳи ғизои соҳавии Россия дар озмоиши моделҳои нави ғизои мактабӣ, мутамарказонии он ва ташкили имконият барои ғанигардонии фондҳои ғайрибуҷетии мактаб ёрии амалии техникӣ расонда мешавад. Дар ҳамкорӣ бо шарики техникии худ, яъне Пажӯҳишгоҳи ғизои соҳавии Россия, инчунин, дар мувофиқа бо вазоратҳои тандурустӣ ва ҳифзи иҷтимоии аҳолӣ, маориф ва илм, 50 мактаби пилотӣ аз 15 шаҳру ноҳияи ҷумҳурӣ (35 мактаб дар вилояти Хатлон ва 15 мактаб дар водии Рашту шаҳри Роғун) барои таъмири ошхона ва таъмини таҷҳизоти хӯрокпазӣ интихоб гардиданд. То имрӯз 126 лоиҳаи грантии хурд аз ҷониби БОҶ дар вилоятҳои Суғду Хатлон ва ноҳияҳои тобеи ҷумҳурӣ ба маблағи 616 ҳазор доллари ИМА амалӣ шудааст.
 
 
Муовини вазир сафири Қазоқистонро ба ҳузур пазируфт
Муовини вазири корҳои хориҷии Ҷумҳурии Тоҷикистон Музаффар Ҳусейнзода сафири фавқулода ва мухтори Ҷумҳурии Қазоқистон дар Ҷумҳурии Тоҷикистон Валихан Турехановро ба ҳузур пазируфт.
Дар мулоқот ҷонибҳо роҷеъ ба масъалаҳои муҳими ҳамкориҳои бисёрҷониба байни Тоҷикистон ва Қазоқистон дар чаҳорчӯбаи созмонҳои байналмилалӣ ва минтақавӣ, аз ҷумла Созмони Милали Муттаҳид ва Машварати ҳамкорӣ ва тадбирҳои боварӣ дар Осиё табодули афкор намуданд.
 
 
Таҳкими ҳамкорӣ бо СЕКО
Дар мулоқоти муовини вазири рушди иқтисод ва савдо Абдураҳмон Абдураҳмонзода зимни мулоқот бо муовини директори Дафтари Швейтсария оид ба ҳамкориҳои иқтисодӣ (СЕКО) Ришар Шеневар зикр шуд, ки татбиқи барномаи ҷаҳонии нассоҷӣ ва дӯзандагӣ (GTEX), дастовардҳо ва самтҳои афзалиятноки ҳамкории минбаъда баррасӣ гардиданд.
Муовини вазири рушди иқтисод ва савдо вобаста ба ҳамкориҳои судманд бо Ҳукумати Конфедератсияи Швейтсария дар самти рушди соҳаи нассоҷӣ ва дӯзандагӣ, фаъолияти Кумитаи ҳамоҳангсоз оид ба содагардонии расмиёти савдо, Барномаи давлатии рушди содироти Ҷумҳурии Тоҷикистон барои солҳои 2021-2025, Равзанаи ягонаи барасмиятдарории амалиёти содиротию воридотӣ ва транзитӣ дар Тоҷикистон, Портали савдои Тоҷикистон сухан ронда, ҷиҳати густариши ҳамкориҳо дар самтҳои зикргардида пешниҳодҳо манзур кард.
Намояндаи СЕКО пешниҳодҳои ҷониби Тоҷикистонро пазируфта, таъкид намуд, ки Барномаи нав дар самти рушди занҷираи арзиши иловашудаи маҳсулоти кишоварзӣ мавриди таҳия қарор дошта, дар доираи он дар қатори дигар кишварҳо ба роҳ мондан ва афзоиш додани истеҳсоли маҳсулоти ниҳоии ба содирот нигарондашудаи Тоҷикистон низ пешбинӣ шудааст.
 


Баёни ақида (0)    Санаи нашр:    №:    Мутолиа карданд: 8718
29.06.2022


Густариши ҳамкорӣ бо Барномаи рушди СММ

"МАКТАБИ СИЁСИИ ПЕШВОИ МИЛЛАТ". КОНФРОНСИ БАЙНАЛМИЛАЛӢ ДАР БОХТАР

Путин дар саммити Хазар дар Ашқобод ширкат хоҳад кард

Ҷаҳон дар як сатр

Медали биринҷии Моҳрӯ аз ЧО

КӮШОНИЁН. ИФТИТОҲИ ПУЛ МУШКИЛИ СОКИНОНРО ҲАЛ КАРД

28.06.2022


СУҒД. СОЗИШНОМАҲОИ НАВИ ҲАМКОРӢ БА РУШДИ ВИЛОЯТ МУСОИДАТ МЕКУНАНД

«САДОИ АДИБОНИ ДУНЁ ДАР ВАСФИ ТОҶИКИСТОН». МУҲАББАТНОМАИ АДИБОНИ ДУНЁ БА ТОҶИКОН РӮИ ЧОП ОМАД

ТОҶИКИСТОН. ЗАРФИЯТҲОИ САЙЁҲӢ БА МАРДУМИ ОЛМОН МУАРРИФӢ МЕГАРДАНД

ХАТЛОН. ТАЪМИНИ ЁРИИ ҲУҚУҚӢ БА СОКИНОН

24.06.2022


Тасаллияти Ҳукумати Тоҷикистон ба мардуми Афғонистон

23.06.2022


Вохӯрии Сарвазири Тоҷикистон бо муовини директори Хазинаи байналмилалии асъор

МУЛОҚОТИ РАҶАББОЙ АҲМАДЗОДА БО СОҲИБКОРОНИ ӮЗБЕКИСТОН

Токаев Путинро шарики боэътимоди Қазоқистон медонад

ҶАҲОН ДАР ЯК САТР

ШӮҲРАТ МУҲАММАДЗОДА: "САҲМИ СОҲИБКОРОН ДАР ОБОДОНИИ НОҲИЯ ТАВСЕА МЕЁБАД"

22.06.2022


Вазири корҳои хориҷӣ сафири Арабистони Саудиро ба ҳузур пазируфт

Лукашенко дар назди деҳқонон вазифаҳои нав гузошт

ҶАҲОН ДАР ЯК САТР

БОНКИ МИЛЛИИ ТОҶИКИСТОН. ТАШРИФИ ҲАЙАТИ ХБА РАВОБИТИ ДУҶОНИБАРО ТАҲКИМ МЕБАХШАД

«SOCIETY MAGAZINE». НАШРИ СИЛСИЛАМАҚОЛАҲО ДАР БОРАИ ТОҶИКИСТОН

20.06.2022


СҲШ. ДИПЛОМАТИЯИ ХАЛҚӢ БАРОИ ТАҲКИМИ ДӮСТӢ ХИДМАТ МЕКУНАД

17.06.2022


САЙЁҲӢ. ДОНИШҶӮЁНИ ТОҶИК ДАР АРАБИСТОНИ САУДӢ ТАҶРИБА МЕОМӮЗАНД

МАСТЧОҲ. БОЗДИДИ РАИСИ ВИЛОЯТ АЗ ҶАРАЁНИ КОРҲОИ ОБОДОНӢ

16.06.2022


НОҲИЯИ ФИРДАВСӢ. ГУЗОРИШ АЗ ЯК ҲАМОИШИ МУҲИМ

СҲШ. БАРГУЗОРИИ ҶАЛАСАИ ШУРОИ ҶАВОНОН ДАР ТОШКЕНТ

14.06.2022


ХОРУҒ. МУСОДИРАИ СИЛОҲУ МУҲИМОТИ ҶАНГӢ АЗ ХОНАИ ДУ САРКАРДАИ ГУРӮҲИ ҶИНОЯТӢ

Эрдоган дар нишасти НАТО ният дорад мавқеи қатъии Туркияро дар масъалаи терроризм таъкид намояд

ҶАҲОН ДАР ЯК САТР

ДМТ. ИФТИТОҲИ БИНОИ НАВСОХТИ ДОНИШКАДАИ КОНФУТСИЙ

РОҒУН. 105 ИНШООТИ ҶАШНӢ БУНЁД МЕГАРДАД

13.06.2022


Путин ба муносибати Рӯзи Россия бар аҳамияти ваҳдат барои мардум таъкид кард

10.06.2022


30 корманди ДМТ соҳиби манзили истиқоматӣ шуд

СММ ислоҳоти сиёсӣ дар Қазоқистонро пуштибонӣ кард

ҶАҲОН ДАР ЯК САТР


Дар сомонаҳои дигари Тоҷикистон хонед