logo

туризм

ШАҲРИСТОН. ЧАРО ДАР “ШВЕЙТСАРИЯИ ДУЮМ” САЙЁҲӢ РУШД НАМЕКУНАД?

Сокинони мамлакат ва меҳмонони хориҷӣ бо манзараҳои дилфиребу сарсабзи кӯҳистони Шаҳристон маҳз дар даврони соҳибистиқлолӣ, хоссатан, баъди таҷдиди роҳи мошингарди Душанбе - Чаноқ бештару беҳтар ошно шуданд. Сарфи назар аз обу ҳаво, дар тамоми мавсими сол мусофирон ҷиҳати анҷоми сафар аз шаҳри Душанбе, ноҳияҳои тобеи ҷумҳурӣ, шаҳру навоҳии вилояти Хатлон ба вилояти Суғд, ҳамзамон, аз Суғд ба ҷануб аз мавзеъҳои зебову ҷолиби ин ҷо дидан карда, аз обҳои мусаффо, ҳавои форам, хониши парандагон баҳравар мешаванду шукри соҳибистиқлолии Ватан мекунанд. 
Ноҳияи Шаҳристон, ки дар шимоли мамлакат воқеъ аст, аз лиҳози мавқеи ҷуғрофӣ дар як минтақаи баланди кӯҳиву дорои манзараҳои дилфиреб ва арчазорони ҳамешасабз қарор гирифта, таваҷҷуҳи сокинони мамлакат ва меҳмонони хориҷиро ба худ ҷалб месозад. Ҳатто Шаҳристонро “Швейтсарияи дувум” ном мебаранд. Маҳз дар даврони соҳибистиқлолӣ таваҷҷуҳи Ҳукумати мамлакат ба рушди ноҳия зиёд шуд, дар ояндаи наздик ин ҷо ба як минтақаи аз ҳар ҷиҳат рушдёфта мубаддал хоҳад гашт. 
Бо эълон шудани соли 2018 чун Соли рушди сайёҳӣ ва ҳунарҳои мардумӣ ва ба тасвиб расидани Фармони Президенти мамлакат оид ба эълон шудани солҳои 2019-2021 – Солҳои рушди деҳот, сайёҳӣ ва ҳунарҳои мардумӣ дар ҳамаи манотиқи ҷумҳурӣ ҷиҳати рушди соҳаи сайёҳӣ корҳои зиёд амалӣ шуда, хатсайрҳои нав созмон ёфтаву инфрасохтор марҳила ба марҳила муҳайё гашт. 
Мутаассифона, вазъ дар ноҳияи Шаҳристон дар ин ҷода ташвишовар мебошад. Аз рӯзи аввали ба тасвиб расидани Фармони Президенти мамлакат то имрӯз ҷиҳати рушди соҳаи сайёҳӣ дар ноҳия чӣ тадбирҳои мушаххас роҳандозӣ шуда, дар ин ҷода аз кадом дастовардҳо метавон ҳарф зад?
Дар ин бора Равшанҷон Юсуфов, директори осорхона, ҳамзамон, масъули бахши сайёҳии ноҳия, чунин гуфт: “Оид ба ин масъала чизе гуфта наметавонам, зеро масъалаи сайёҳӣ бароям сарбории иловагист. Ду масъули қаблии бахш тарки кор карда, ба муҳоҷират рафт. Феълан, бахши сайёҳӣ ба ҳоли худ буда, аз мадди назари масъулон дур мондааст”.
Дар гузорише, ки аз собиқ масъули бахш ба ёдгор мондааст, оид ба мавҷуд будани осоишгоҳи ҶДММ “Аҳмади Кароматӣ”, дар шоҳроҳи Душанбе – Хуҷанд фаъолият кардани ошхонаи ҶДММ «Мавзеи Шодмон» ва ҶДММ “Насими кӯҳсор”, “Додоҷонбобо” сухан меравад. Дар иртибот ба рушди сайёҳӣ, ташкили хатсайрҳову дигар инфрасохтор маълумоте нест. Ин дар ҳолест, ки дар Шаҳристон мавзеъҳои таърихӣ ва тамошобоб, аз қабили қалъаи «Қаҳ-қаҳа», кӯшки «Чилҳуҷра», «Кингкӯл», «Хуррамдара», «Сабздара», «Насими кӯҳсор» мавҷуданд, ки метавон аз онҳо фаровон истифода бурд.
Баҳодур Акрамзода, раиси ноҳия, аз суҳбат худдорӣ карда, танҳо гуфт: “Магар аз сайёҳӣ дида, мавзуи муҳиме нест, ки ҳама ба он часпидаед?”. 
Оё бо чунин тарзи муносибат метавон сайёҳиро рушд бахшиду ба яке аз сарчашмаҳои муҳими пешравии иқтисоди ноҳия табдил дод? Ин суолест, ки роҳбарияти ноҳия ва масъулони соҳа бояд посух гӯянд.
 
Ҷовиди АШТӢ, “Ҷумҳурият”
 


Баёни ақида (0)    Санаи нашр: 23.11.2022    №: 225    Мутолиа карданд: 395
25.11.2022


ТАҒЙИРОТ БА ҚОНУН. 6 МАЙ - РӮЗИ КОРМАНДОНИ СОҲАИ ҲИФЗИ СИРРИ ДАВЛАТӢ ТАҶЛИЛ МЕШАВАД

ВМКБ. ҶАЛАСАИ СИТОД ОИД БА ЗИМИСТОНГУЗАРОНӢ

СУҒД. ҶАМЪОВАРИИ ПАХТА ВУСЪАТИ ТОЗА МЕГИРАД

24.11.2022


ПАРЧАМИ ДАВЛАТӢ - САРЧАШМАИ ПИРӮЗИҲО

23.11.2022


Интихобот дар Қазоқистон рақобатпазир ва шаффоф буд

ҶОМИ ҶАҲОН

22.11.2022


Рӯзҳои фарҳанги Тоҷикистон дар Туркманистон

ТОҶИКИСТОН ВА РОССИЯ. ФОРУМИ ҶАВОНОН БАРОИ ТАБОДУЛИ ТАҶРИБА ВА РУШДИ КАСБИЯТ РАВЗАНАИ НАВ БОЗ КАРД

«ЗОДРӮЗИ ТОҶИКИСТОН»

МУАРРИФИИ ОШИ ПАЛАВ ДАР ҶОПОН

САМАРҚАНД. ЯК ҲАМОИШИ МУҲИМ

21.11.2022


Мулоқоти вазирони корҳои хориҷии Тоҷикистон ва Ӯзбекистон

ИТТИФОҚИ НАВИСАНДАГОН. ГИРОМИДОШТИ ХОТИРАИ ҶОНИБЕК АКОБИР

ЧЕМПИОНАТИ CAFA – 2022

16.11.2022


Ҷоизаи раиси шаҳри Душанбе барои муҳаққиқони ҷавон

Чин бар зидди ихроҷи Россия аз G20 баромад кард

СУҒД. ТАШРИФИ СОҲИБКОРОНИ ТУРК БА ВИЛОЯТ

ТОҶИКИСТОН ВА АРАБИСТОНИ САУДӢ. АЗ БАРҚАРОРИИ МУНОСИБАТҲОИ ДИПЛОМАТИИ ДУ КИШВАРИ ДӮСТ СӢ СОЛ ГУЗАШТ

«ОРМОНИ МИЛЛАТ: «РОҒУН» БУЗУРГТАРИН САРБАНДИ АСРИ НАВ»

15.11.2022


Ҷаласаи ҳайатҳои ҳукуматии Тоҷикистон ва Қирғизистон

ҶАҲОН ДАР ЯК САТР

Президенти Индонезия дар Бали нишасти G20-ро ифтитоҳ кард

ЯК ҲАМОИШИ МУҲИМ

ДАНҒАРА. ИСТЕҲСОЛИ ҒАЛЛА БА 100 ҲАЗОР ТОННА МЕРАСАД

ПРЕСС-ТУРИ НАВБАТИИ РӮЗНОМАНИГОРОН БА НБО «НОРАК»

Қадрдонии варзишгари тоҷик аз ҷониби Рустами Эмомалӣ

11.11.2022


Ҳукумати Тоҷикистон ба мардуми Эрон изҳори таслият кард

ТОҶИКИСТОН ВА ӮЗБЕКИСТОН. АЗ РУШДИ ҲАМКОРИҲОИ ИЛМӢ-АДАБӢ ТО САЙРИ ФАРОМАРЗИИ «ГАНҶИ СУХАН»

10.11.2022


ВОЛОИЯТИ ҚОНУН. ФОРУМИ ҲАШТУМИ МИЛЛӢ БАРГУЗОР ГАШТ

6 НОЯБР. САНАДИ БУНЁДИИ ТОҶИКИСТОНИ СОҲИБИСТИҚЛОЛ 28-СОЛА ШУД

04.11.2022


САМАРҚАНД. ИМКОНИЯТҲОИ САЙЁҲИИ ТОҶИКИСТОН МУАРРИФӢ ГАРДИД

ПОЙТАХТ. ТАНТАНАИ ФЕСТИВАЛИ ДЎСТӢ

СИЁСАТИ ГЕНДЕРӢ. ТОҶИКИСТОН ВА НАҚШИ ЗАНОН ДАР ИДОРАИ УМУРИ ДАВЛАТДОРӢ

03.11.2022


Лоиҳаи Буҷети давлатӣ барои соли 2023 ба Маҷлиси намояндагон пешниҳод шуд

ТОҶИКИСТОНУ ЭРОН. ТАНТАНАИ ДӮСТӢ ДАР НАМОИШИ ҲУНАРҲОИ МАРДУМӢ ВА МАҲФИЛИ ШОИРОН


Дар сомонаҳои дигари Тоҷикистон хонед