logo

сиёсат

ИҒВОГАРОН БОЗ ЧӢ МЕХОҲАНД?

Тавассути «Радиои озодӣ» иттилоъ ёфтем, ки гурӯҳи муаллифон - созмонҳои байналмилалии Human Rights Watch ва Кумитаи норвежии Ҳелсинкӣ филми мустанаде бо номи «Тоҷикистон мунаққидонро дар дохил ва хориҷ шикор мекунад» таҳия намудааст. Ин филм 21 сентябр бо ибтикори созмонҳои зикршуда дар нишасти САҲА дар Варшава намоиш дода шуд. Ба ҳайси қаҳрамонҳои филм намояндагони ҳизби мамнуи наҳзати ислом ва Гурӯҳи 24 муаррифӣ шудаанд. Аслан, чунин ҳизб дар Тоҷикистон вуҷуд надорад ва дар ҳеҷ ҷое сабти ном нашудааст. Гурӯҳи 24 низ аслан дар шабакаҳои хабарии баъзе аз гурӯҳҳою иттиҳодҳои ба ном мустақили беруна номбар мешавад. Вале киҳо аъзои ин гурӯҳанд ва чӣ ҳадаф доранд, ба ҳеҷ кас рӯшан нест.
Собиқ ҲНИТ дар асоси фаъолияти ғайриқонунӣ ва кӯшишҳои террористию ифротгароӣ мамнуъ эълон шуда буд ва ҳатто, ба рӯйхати созмонҳои террористӣ ворид гардидааст. Ҳанӯз дар давраи фаъолият дар дохили Тоҷикистон фирори аъзои ҳизб ё изҳороти охири собиқ ҳуқуқшиноси ҳизби мазкур Зарафо Раҳмонӣ шаҳодат аз фаъолияти «қонунӣ»-и ин ҳизб мебошад. Фаъолияти аъзои собиқ ҲНИТ ва Гурӯҳи 24, ки бешубҳа, бо ҳидояту дастгирии ҳомиёни хориҷиашон ба вуқӯъ меояд, ҳамчун амали мухолифини тоҷик бояд қабул нашавад, зеро аввалан, инҳо ба таври расмӣ вуҷуд надоранд ва сониян, ҳамеша муқобили оромию субот ва ваҳдату пешравии Тоҷикистон ҳастанд. Аслан, ашхосе, ки хешро соҳибҳизб мепиндоранду дар хориҷи мамлакат паноҳ гирифта, иғво меангезанд, дар Тоҷикистон ҳеҷ тарафдору ҳамақидае надоранд. Онҳо чанд нафари ангуштшумореанд, ки аз бадхоҳону кинаварон ва хоҷагони хориҷӣ маблағи ҳангуфт ба даст оварда, «обро лой мекунанду моҳӣ медоранд».
Ин нуктаҳо бедалел нестанд ва мо одат надорем, ки ба монанди нотавонбинону бадхоҳони Ватани азизамон беасос сухан бигӯем. Далели муътамад ва радношаванда боз ҳам ҳамон мусоҳибаи собиқ узви аршад ва роздони ҳизби мамнуъ Зарафо Раҳмонӣ мебошад. Кабирӣ ва ҳаммаслаконаш ҳамеша ба Ҳукумати мамлакат тавассути сомонаашон ва дигар воситаҳои техникиву интернетӣ санги маломат мезананду мекӯшанд, ки хешро покизаю озода ҷилва диҳанд. Аммо нисбат ба суханони З. Раҳмонӣ, ки асрори ниҳонӣ ва ҷинояткоронаи шахсан худи Кабириро ошкор намуд, ба лаб муҳри хомӯшӣ ниҳоданд. Дуруст аст, ки мегӯянд: «сухани ҳақ посух надорад». Дар ин маврид онҳо натавонистанд, ки худро «сафед» намоянд.
Изҳороти созмонҳои Human Rights Watch ва Кумитаи норвежии Ҳелсинкӣ доир ба он ки ҳоло «Тоҷикистон дар умқи як буҳрони шадиди ҳуқуқи башар қарор дорад», фасонае беш нест. Маҳз дар 20 соли охир дар раванди бунёди ҷомеаи шаҳрвандии ҳуқуқниҳод ва ҳифзу риояи ҳуқуқи инсон Тоҷикистон соҳиби дастовардҳои чашмрас гардидааст, ки инро ташкилоти бонуфуз ва намояндагони мамолики мутараққии ҷаҳон борҳо таъкид намудаанд. Як ё ду нафар, онҳое, ки бо қонунҳои ҷории ҷумҳурӣ амалашон созгор несту тавассути мақомоти ҳифзи ҳуқуқ ба ҷавобгарӣ кашида мешаванд, нишонаи вайронкунии ҳуқуқи башар, фурӯравии Тоҷикистон дар умқи ин буҳрон нестанд.
Даъвои он ки «даҳҳо ҳуқуқшиносон, адвокатҳо, журналистон ва корбарони шабакаҳои иҷтимоӣ, ки нисбат ба ҳукумат андешаҳои интиқодӣ баён мекарданд, боздошт шуданд» дурӯғи маҳз аст. Тавассути ВАО ва сомонаҳои гуногуни интернетӣ шаҳрвандони Тоҷикистон озодона ва шаффоф фикрҳои худро баён месозанд. «Садҳо фаъолон»-и аз кишвар беруншуда, ки гӯё ҳадафи «шикор»-и Ҳукумати Тоҷикистон қарор гирифтаанд, сирф беасос аст, зеро аввалан, чунин теъдоди «фирориёни фаъол» ҷой надорад, баъдан, ному насаби онҳое, ки мавриди «шикор» қарор гирифтаанд, барои ҳеҷ кас мушаххас нест.
Умуман, мазмуну муҳтавои гузориши «Радиои озодӣ» - «Тоҷикистон дар умқи буҳрони ҳуқуқи башар қарор дорад», асос ва далели воқеӣ надорад. Чунин амали носавоб, нодида гирифтани муваффақиятҳои Тоҷикистон ҳамчун давлати соҳибистиқлол, бо ҳар васила ноором сохтан ва халал ворид намудан ба амну осоиштагии мардуми ҷумҳурӣ мақсуду муроди ғаразноки ҳизби мамнуъшудаи наҳзат ва Гурӯҳи 24 - ро дар пай доранд.
Насрулло УБАЙДУЛЛОЕВ,
доктори илмҳои таърих, профессор,
Бобоҷон САМИЕВ,
доктори илмҳои фалсафа, профессор,
Ҳобил ЗИКИРОВ,
номзади илмҳои фалсафа, дотсент


Баёни ақида (0)    Санаи нашр: 30.09.2016    №: 195    Мутолиа карданд: 3327

15.11.2018


Ҳамоиш бахшида ба Рӯзи Президент

Нурдинҷон Исмоилов ба Тоҷикистон меояд

Мулоқоти Зубайдулло Зубайдзода бо Амал Муҷрин ал - Ҳамад

Конференсияи гиромидошти Бобоҷон Ғафуров

Путин ва Абэ дар асоси қатъномаи соли 1956 гуфтушунид хоҳанд кард

Таҳлилгарони Nomura сустшавии суръати рушди иқтисоди ҷаҳониро пешгӯӣ намуданд

Frontex: ба Аврупо омадани гурезаҳо 31 дарсад коҳиш ёфт

Назарбоев соли 2019-ро Соли ҷавонон эълом дошт

Ҷаҳон дар як сатр

14.11.2018


Вусъати корҳои ободонӣ дар ноҳияи Восеъ

Ҷамъоварии $482 миллион ба ёрии мардуми Ироқ

Назарбоев ташкили Созмони амнияти дастаҷамъии Осиёро пешниҳод дорад

Ҷонибдории Ангела Меркел аз ташкили артиши ягонаи аврупоӣ

Дар Тошканд Ҳафтаи соҳибкории глобалӣ шурӯъ шуд

Ҷаҳон дар як сатр

ЧЕМПИОНАТИ ҶАҲОН – 2018. Иштироки се бонуи муштзани тоҷик

БОНКИ МИЛЛӢ. Иқдоми наҷиб

13.11.2018


Мулоқоти Сироҷиддин Муҳриддин ва Юе Бин

Баимзорасии ёддошти тафоҳум

Нақшаи чорабиниҳои амалӣ намудани корҳои ободонию бунёдкорӣ дар давраи солҳои 2019 – 2021 тасдиқ гардид

БӮСТОН. Таҷдиди шуъбаи урология

ВАҲДАТ. 5 иншооти ҷашнӣ ба истифода дода шуд

ЁВОН СИМОИ ТОЗА МЕГИРАД

НОҲИЯИ ШАМСИДДИНИ ШОҲИН. Кӯшишҳо самар медиҳанд

"Дар ин дунё Карим Девонае буд"

Ҳузури бераводиди тоҷикистониён дар Туркия 3 баробар дароз шуд

Аврупо дар бозёбии партовҳои уран дар Тоҷикистон саҳм мегирад

Москва аз ҷумлаи даҳ шаҳри беҳтарини дунёст

Гунаҳгорони ҳалокати 52 ӯзбекистонӣ зиндонӣ шуданд

Чин дар ҷаҳон калонтарин воридкунандаи газ

Ҷаҳон дар як сатр

ҚУБОДИЁН. 48 медали варзишгарон дар нуҳ моҳ

12.11.2018


Дар Париж ҳамоиши сулҳ ифтитоҳ ёфт

Бо эҳтимоми ҳукумати Ҳиндустон нархи сӯзишворӣ арзон мешавад


Дар сомонаҳои дигари Тоҷикистон хонед