logo

сиёсат

ИНТИХОБИ АРЗАНДА

Солҳои охир пойтахти кишвари азизамон ободу зебо ва нишондиҳандаҳои рушди иҷтимоию иқтисодии он ба куллӣ беҳтар гардид. Соли 2019 маҷмӯи маҳсулоти минтақавӣ (МММ) ба 15,1 миллиард сомонӣ расонда шуд, ки нисбат ба соли 2016 - ум 5 миллиард сомонӣ ё 49,5 фоиз зиёд мебошад. МММ ба ҳар нафар аҳолӣ бошад, дар ин давра 50 фоиз афзуд.

Бо мақсади ноил гардидан ба ҳадафи чоруми миллӣ - саноатикунонии босуръати кишвар дар шаҳри Душанбе тадбирҳои муассир роҳандозӣ шуданд. Дар чор соли охир ҳаҷми истеҳсоли маҳсулоти саноатӣ 1,9 маротиба зиёд гардида, соли 2019 ба 2711,3 миллион сомонӣ баробар шуд.
Воқеан, ба болоравии ҳаҷми истеҳсоли маҳсулоти саноатӣ ба фаъолият пардохтани корхонаҳои нави саноатӣ, ки бо иштироки Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва раиси шаҳри Душанбе Рустами Эмомалӣ мавриди истифода қарор дода шуданд, мусоидат намуд. Корхонаҳои истеҳсоли обҳои нӯшоӣ, мебел, асфалту бетон, маҳсулоти нассоҷӣ, заргарӣ ва коркарди сангҳои ватанӣ аз ин зумраанд. Ҳоло барои бунёди 10 корхонаи саноатӣ дар самти истеҳсоли семент, қолин, таҷҳизоти барқӣ, қубурҳои шишапластикӣ ва орд санги асос гузошта шудааст.
Давоми се соли охир дар шаҳри Душанбе 112 корхонаи саноатӣ бо шумораи умумии 1245 ҷойи нави кор таъсис ёфта, 2310 бинову иншоот ба хати гармӣ пайваст карда шуд. Дар натиҷа истифодаи неруи барқ дар фасли зимистон кам гардида, сокинони пойтахт ва ташкилоту муассисаҳо маблағҳои худро сарфа намуданд.
Дар се сол 752 иншооти муҳими хоҷагии халқи шаҳр ба маблағи 6,8 миллиард сомонӣ сохта, мавриди баҳрабардорӣ қарор дода шуд. Сохтмони 18 муассисаи таълимӣ барои 14614 хонанда дар як баст ба итмом расида, корҳои сохтмонӣ дар 11 муассиса барои 11904 хонанда дар як баст ва лоиҳакашии 6 муассиса барои 3232 хонанда идома доранд. 118,3 км роҳ навсозӣ ва таъмир гардиданд.
Бо мақсади беҳтар кардани сатҳу сифати хизматрасонии нақлиётӣ низоми нави автоматии «Шаҳри бохирад» ба роҳ монда, 100 автобуси нави тамғаи «AKIA» - и корхонаи муштараки Тоҷикистону Туркия ба мусофиркашӣ пардохт. Дар 30 хатсайр пардохти роҳкиро пурра тариқи низоми электронӣ ба роҳ монда шуд.
Ҷиҳати тарғибу ташвиқи наврасону кӯдакон ба тарзи ҳаёти солим дар маҳаллаҳои пойтахт 231 майдончаи варзиш бунёд ёфт.
Дастоварди намоёни дигар ба ҷаҳониён муаррифӣ шудани Душанбе ҳамчун шаҳри гулҳо мебошад. Дар ин давра 71 боғу гулгашти дорои гулу буттаву дарахтони нодир бунёд гардид, 5 боғи фарҳангу фароғатии нав ба номи Восеъ, Алишери Навоӣ, Аҳмади Дониш, «Ҷавонон» ва Куруши Кабир бунёд ва боғҳои С. Айнӣ, «Кӯли ҷавонон», Абулқосими Фирдавсӣ, Хайём, «Кӯдакон» ва Мироненко навсозӣ шуданд.
Дар доираи татбиқи дастуру ҳидоятҳои Президенти Ҷумҳурии Тоҷикистон муҳтарам Эмомалӣ Раҳмон вобаста ба эълон гардидани Солҳои рушди деҳот, сайёҳӣ ва ҳунарҳои мардумӣ (2019-2021) ва ба стандартҳои байналмилалӣ мутобиқ намудани сатҳи хизматрасонӣ 2 меҳмонхонаи муосир бунёд ёфта, сохтмони 8 меҳмонхонаи дигари замонавӣ идома дорад.
Обрӯю эътибори шаҳр дар арсаи байналмилалӣ бамаротиб боло рафт. Ҳоло расму оин ва фарҳангу маданияти чандҳазорсолаи гузаштагонамон ба ҷаҳониён ба таври густурда муаррифӣ мешавад.
Тибқи баҳогузории нашрияи британии «The Independent», пойтахти Тоҷикистон - шаҳри Душанбе аз рӯи таъмини амнияти шабона ба даҳгонаи шаҳрҳои бехатари ҷаҳон ва аз ҷониби Агентии таҳлилии «ТурСтат» ба даҳгонаи шаҳрҳои ҷолибтарини сайёҳии ИДМ ворид гардид.
Дар ҳамаи ин дастовардҳо кордонию заҳмату талоши раиси ҷавони шаҳр Рустами Эмомалӣ баръало мушоҳида мешавад. Натиҷаи эътироф ва қадрдонӣ шудани дастовардҳои иҷтимоию иқтисодии шаҳр буд, ки чанде пеш аъзои Маҷлиси миллӣ Рустами Эмомалиро ҳамчун шахси кордону ботаҷриба, худогоҳу сиёсатмадор ва шаҳрдори комёб тариқи овоздиҳии пинҳонӣ Раиси Маҷлиси миллии Маҷлиси Олии Ҷумҳурии Тоҷикистон интихоб намуданд.
Дар ҳақиқат, бо назардошти рушди иқтисодию иҷтимоӣ, пешравию ободӣ ва дастовардҳои назарраси шаҳр Рустами Эмомалӣ ба вазифаи Раиси Маҷлиси миллии Маҷлиси Олӣ арзанда мебошад. Бо боварии комил метавон гуфт, ки ӯ дар вазифаи Раиси Маҷлиси миллии Маҷлиси Олӣ низ донишу таҷрибаи фаровон, талошҳои созандагию ободкории худро ба манфиати тамоми ҷумҳурӣ истифода мебарад.
Фаъолияту кордонии Рустами Эмомалӣ беҳтарин намунаи ибрат барои ҳар як ҷавони бонангу номуси Ватани азизамон аст.

ЗАВҚИЗОДА З. А.,
доктори илмҳои иқтисодӣ


Баёни ақида (0)    Санаи нашр: 28.04.2020    №: 82    Мутолиа карданд: 277
02.06.2020


ХАБАРИ ФАВРӢ. БОЗ БЕШ АЗ 200 БЕМОР АЗ КОРОНАВИРУС ШИФО ЁФТ

МУБОРИЗА БО COVID-19. КОРМАНДОНИ АНМН БА СУРАТҲИСОБИ МАХСУС 50 000 ГУЗАРОНДАНД

ХУҶАНД. ТАШХИСГОҲИ НАВИ ВИРУСОЛОГӢ БУНЁД ГАРДИД

ХАТЛОН. СОҲИБКОРОН ТАДБИРҲОИ МУҲИМРО ТАТБИҚ МЕСОЗАНД

ВАРЗОБ. 112 ИНШООТИ ҶАШНӢ МАВРИДИ ИСТИФОДА ҚАРОР ГИРИФТ

КФО АВВАЛИН ОНЛАЙН-КОНФРОНСРО ДОИР МЕКУНАД

ДОРУИ ЗИДДИ COVID-19 ДАР БЕМОРХОНАҲОИ РОССИЯ 11 ИЮН ПАЙДО МЕШАВАД

ҶАҲОН ДАР ЯК САТР

01.06.2020


ХУШХАБАР. ДАР ТОҶИКИСТОН БЕШ АЗ 2000 СИРОЯТЁФТА ШИФО ЁФТ

РОҶЕР ФЕДЕРЕР. ГАРОНАРЗИШТАРИН ВАРЗИШГАРИ САЙЁРА

29.05.2020


ТОҶИКИСТОН. АЗ COVID - 19 БОЗ 423 НАФАРИ ДИГАР ШИФО ЁФТ

28.05.2020


ТОҶИКИСТОН. БОЗ 385 НАФАР АЗ КОРОНАВИРУС ШИФО ЁФТ

ВМКБ. ҲАМОВОЗӢ БА ИҚДОМИ НЕКИ ПЕШВОИ МУАЗЗАМИ МИЛЛАТ

ХИЗМАТИ ҲАРБӢ. НАҚШАИ ДАЪВАТ ПЕШ АЗ МУҲЛАТ ИҶРО ШУД

ВАРЗОБ. ҶОЙҲОИ КОРӢ БЕШТАР МЕГАРДАНД

БУНДЕСЛИГА. РАҚОБАТИ "БАВАРИЯ" БО "БОРУССИЯ" БАРОИ ПОЙГАИ ҚАҲРАМОНӢ

ШАҲРВАНДОНИ ТОҶИКИСТОН БО ПАРВОЗИ МАХСУС АЗ ДЕҲЛӢ ВА ДУБАЙ БА ВАТАН БАРМЕГАРДАНД

ҶАҲОН ДАР ЯК САТР

27.05.2020


436 НАФАРИ ДИГАР АЗ БЕМОРИИ COVID – 19 ШИФО ЁФТ

ҶАЛАСАИ ШӮРОИ ВАЗИРОНИ КОРҲОИ ХОРИҶИИ СААД

ТАҚВИЯТИ ҲАМКОРИҲОИ ТОҶИКИСТОНУ ӮЗБЕКИСТОН ДАР МУБОРИЗА АЛАЙҲИ COVID – 19

ДАР РӮИ ҒИЗО ЗАРРАҲОИ COVID-19 НЕСТ!

НОҲИЯИ САНГВОР. МУБОРИЗА АЛАЙҲИ COVID-19 БО УСУЛИ “ХОНА БА ХОНА”

ТАШВИҚОТИ ҲИЗБИ ПЕШОҲАНГ ДАР ПАРТАВИ ҲИДОЯТИ ПЕШВОИ МИЛЛАТ

ЛИГАИ ЧЕМПИОНҲО. МУАЛЛИФИ БЕҲТАРИН ГОЛ БЕҲТАРИН МУРАББӢ ШИНОХТА ШУД

ГАРМО МЕТАВОНАД СИРОЯТИ COVID-19-РО ДАР ӮЗБЕКИСТОН КОҲИШ ДИҲАД

ҶАҲОН ДАР ЯК САТР

26.05.2020


ТОҶИКИСТОН. АЗ БЕМОРИИ COVID – 19 1395 НАФАР ШИФО ЁФТ

НОҲИЯИ ЛАХШ. МУБОРИЗА АЛАЙҲИ COVID-19 ТАҲКИМ МЕЁБАД

КУМАКИ ЧИН БАРОИ ПЕШГИРӢ АЗ ПАҲНШАВИИ COVID – 19

БЕЭҲТИЁТИИ МУХЛИСОН - МӮҶИБИ ГИРИФТОРӢ БА КОРОНАВИРУС

ОЛИМОНИ РУС ВАКСИНАИ ЗИДДИ КОРОНАВИРУСРО МУВАФФАҚОНА ОЗМУДАНД

ҶАҲОН ДАР ЯК САТР

22.05.2020


ЁРИИ БАШАРДӮСТОНАИ ТОҶИКИСТОН БА ӮЗБЕКИСТОН

КУМАКИ ПРЕЗИДЕНТ БА ВИЛОЯТИ СУҒД


Дар сомонаҳои дигари Тоҷикистон хонед